Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETERÙT 1:19 - Ala Ane Wene Ket Mene Warogo Wo'ninapike Wene

19 At he, oko hùko mene ba palogo telhinapike o. Wam topa wam eak weak mene hùk, we, hano otolik mene Ala hesik amep wulagasogo waresu hak, at Karìsùt amep wulagasogo wa'lagaike atì ba, hinoko palogo telhinapike atì.

အခန်းကိုကြည့်ပါ။ ကော်ပီ




1 PETERÙT 1:19
31 ပူးပေါင်းရင်းမြစ်များ  

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.


Atì'nogo were'ma, Yesùt kwe atìkwe lagalùk waganem Yohanet eileken lakhìlìk he, mel yogoisasike: “Ala ako topa mene a'nogo waga a'li lakhani,” ìlùk yogoisasikomo,


Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.


Alebat, at Ala nen he, nit apùnì weak hagato kolek, ninoatì'lek epe morogo welagaikesik en, yogotak at oabùt higit hogo hagaterek a'nogo enagat haga'lasuagalùk, Yesùt lakhei wagaike. Wagaikomo ebe watenem amep pisike atì ba, nit apùnì ninetaùken at oba hìpìrethogo mene hùgì, at ninom ninapotkwe hùnogo hinoagalùk lakhei wagaike atì. Ala nan nit apùnì ninetaùken Yesùt oba hìpìrethogo mene hùgì, ùkùm ninoba mene korogo wokhìlìk at ninom ninapotkwe hùnogo hinìkì logolìk he, at higit hogoat hagaterek ìlùk yogotak oabùt enagat haga'laga atì.


Atì'nogo wo'nisasikomo, ebe amep wulagasogo wasukwa atì ba, ninoko palogo telninapik, nit weak hagatì lagagu mene legetsìgìk, isike atì. At Ala a'la kagalek logolìk ninebe hùthinìlìk he, oabùt motok hano a'nogo nen, ninebe hùkorogo etawì'ninapike atì.


Ala nen atì'nogo hele hikalogo telninapike atì, ebe re, at aput enat hele hikalogo telninabìk, yì weak tì weak hagatì lagagu mene atì, arat horogo legetsasike atì.


Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.


Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.


At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.


Atì'nogo lakhìgìrìk oba nen, opolik lakhìgì hak he, at Topa Eak a'nogo tom Sion oba metek were'ma lakhìgì. Atì re, at ebe mel, it apùnì inebe 144.000 nen, at Topa Eak ho, opase ho, eperak inetage it atì inebe lopok ineilha ba helal waganek mene mel, inom were'ma lagisìgì.


Atì'nogo ìlùk yogonetesik oba nen, opolik he, it Ala nen elalinapikomo ineluk welagaikarek mene aike inebe 4 amanogo mel, ap inalùgetek inebe 24 en amanogo mel, at kain welagarek obùlùk era'lukwe werek kolek, ina'la tùlem he, Topa Eak arat wasukwa mene ùkùloa'ma aik 7 ba nen wùlìk, nen, eileken 7 ba nenat mene metek welaga. Eileken 7 nen atì ebe re, Ala nen Areagùn o yì awì tì awì laksikerek mene amanogoat o.


Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.


Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ