1 PETERÙT 1:18 - Ala Ane Wene Ket Mene Warogo Wo'ninapike Wene

¹⁸ Alep he, hinapu hinopalak hagatì lagaukwa atì hak, it inoabùt waganogo lek asigin mene hesik tùlemat alemarogo hagatì lagagip atì nen, hineki hele warek negen were'ma, Ala nen hinebe hinoko palogo telhinapike atì hineluat o. Oko atì re, lek asigin mene emas oba, perak oba hinoko palhinapike hùk.

1 PETERÙT 1:18 ပူးပေါင်းရင်းမြစ်များ

1 KORÌTÙT 6:20

Ala nen he, hinebe oko arat katok hogo palogo wokhinapikomo welagep atì nen he, apùnì nen Ala hogorasuagalùk he, hinebe at hesik hano hagatì logoino o.

1 KORÌTÙT 7:23

Hit hinebe Ala nen oko motok katok hogo palogo wokhinapike atì nen he, apùnì inatitigeke agùp o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

EPESÙT 4:17

An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

ÙRÙM 1:21

Ala ebe atì'nogo inelu logoligat, it en he: “Ala ebe Walhobak at o,” ìlùk, ebe hogoratì'lek, hai watì'lek, welagaukwa. Atì'nogo logolìk he, hùnogo mene ebe mene lek meneat he, wenesùgì oba ebetì lagaukwa atì nen, inetaùken abit agaike atì.

1 PETERÙT 4:3

Hit alep he, hinoabùt it apùnì Ala ane inokot mene nen ina'la akalùk hagatarek atì hak, arat hagatì logolìk he, weak hinekalì legat hagatìk, hinetaùken nen nikenem pailak haksìgìk, pailak hakhinabuagalùk hagatìk, eken amusu weak mene nìlìk hinetaùken palek hagatìk, pesta nìlìk yùgùneke yaganeke hagatìk, amusu weak mene atì hinoba lagolegat nìkìk, tùgì hareken a'la kolo asinogo ìlùk, hogorasusak lek mene hogoratìk, ìkì lagagip atì.

1 PETERÙT 1:7

Emas oko apik palharek mene atì hano a? Weak a, ìlùk etu aik oba walhagarek atì hak, Ala nen he, “It inetaùken an noba eberogoat hìpìrìk werek a? Lek a,” ìlùk, enagat asuagalùk akikenem, hinoba yì aik tì aik hìkì lagep atì. Emas atì re, we tùlemat lek asigin meneat he, ebe esin he, hinetaùken Ala oba hìpìrìk welagep atìat o. Hit hinetaùken at oba hìpìrìk logogun halok he, at en hinoabùt palhì logopik he, Yesùt Karìsùt weinam hogo lakhei wesigin atì like, hogothinapìk, agaugethinapìk, esinethinapìk, igin o.

1 KORÌTÙT 3:20

Nen, wene aike re, yì: “It apùnì ina'la kagauksek mene nen ina'la eberì'lùgì atì re, we tùlemat eberì'lùgì o, ìlùk ninopase Etagepogot elu,” ìlùk helal waganogo hesukwama weregat.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

MAREKÙT 8:37

Ebe nong asigin atì, obùlù'mo nena mene eperak okosusak nogo. Mea o.