1 PETERÙT 1:10 - Ala Ane Wene Ket Mene Warogo Wo'ninapike Wene

¹⁰ Ninebe hano'ninabigin wene atì re, alep it ap Ala ane yogoisìkì lagaukwa mene amanogo nen wene atì hesigat heratìk, hinok wanhìk, ìkì lagaukwa. Atì'nogo heratì logolìk, Ala oabùt hano a'nogo nen, “Hano hagarinapì logogin,” ìlùk ebe hit hano hagathinabì'logo atì hesigat oan werek kolek yogoisìkì lagaukwa atì.

1 PETERÙT 1:10 ပူးပေါင်းရင်းမြစ်များ

MATÌÙT 13:17

Hit hineileken hìkì lagep mene atì re, it ap Ala ane yogoisìkì lagaukwa mene mel, inoabùt higit mene mel, inebe logolegat en he, Eigo! Nineileken helo e, ìkì lagaukwa meneat he, ineileken hìgì'legat welagaukwa. Nen, hinasuk holhì lagep mene atì, it atì nen, Ninasuk holilo e, ìkì lngnukwa meneat he, inasuk holhì'logat welagaukwa, ìlùk eberogoat yogohisìgì o,” ìlùk yogoisasike.

LUKAT 10:24

It ap Ala ane yogoisìkì lagaukwa mene mel, kaintek inetagepogot mene mel, inebe logolegat hit hineileken hìkì lagep mene atì, Nineileken helo e, ina'la akìkì lagaukwa meneat he, ineileken hìgì'lek welagaukwa. Nen, wene hinasuk holhì lagep mene atì, Ninasuk holilo e, ìlùk, ina'la akìkì lagaukwa meneat he, inasuk holhì'legat welagaukwa,” ìlùk yogoisasike.

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

IBERANI 11:13

It apùnì inetage ìlìk waga lagì atì obogat en, “At Ala eberogoat,” ìlùk inetaùken at oba hìpìrethìlìk welagaukwa atì ba, Ala nen abok yogoisasike atì ebe wanhì'lek meneat he, apùnì nen yì mene tì mene walegat were'ma ineileken lakhìlìk, ina'la hai hakagarek atì hak, it inetaùken oba nen, “Eberogoat wanugun mene werek o, ìlùk akìkì lago atì nen, kweangma yoma it aikeagùn inauakwe pùgùlogo lìlìk ap pok negen welago,” ìlùk pak hogo ìkì logolìk inebe wa'larìk lagaukwa.

LAKSASIKE 10:43

At Yesùt hesik, it ap Ala ane yogoisìkì lagaukwa mene amanogo obogat en he, abok ìkì logolìk, mel isukwa: At ebe waganem he, it apùnì weak hagatarek mene inetaùken at oba hìpìrethogoin mene hùgì inebe lopok, it weak hagarì'lùgì mene atì, at Ala nen at Yesùt etage ba sagalogo legetsegein o, ìlùk yogoisìkì lagaukwa,” ìlùk at Peterùt en yogoisasike.

YOHANET 7:52

it en at mel yogosukwa: “Hat hogo re, haua o Kalilea mene nogo? Ap Ala ane yogoisagarek mene aike o Kalilea nen wesigin ìlùk Ala ane ba helal waganek aike were'ma heileken hegein motok lek a'naga re, heileken hanorogo hìthìkì logoino,” ìlùk yogosukwa. [

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LAKSASIKE 28:23

Atì'nogo yogosukwasik, “Nit nineki tì ba nen hobuk hoba wesugun o,” ìlùk wene waresukwa. Wene warerìk he, ineki atì ba inebe hùkokwe, o Paùlùt welagaike ba oba wagaukwa. Wagaukwama, ohealek en pìkìt hùako wene Ala awe a'ma hisikerek wene a'nogo yogoisikoat welagaike. Yogosìkì logolìk, it en Yesùt hagasike wene atì eberogoat ìlùk hùthoagalùk, wene Ala nen ninasuk wasike wene Musa nen helal waganogo hesike a'nogo ba mel, ap aike Ala ane yogoisìkì lagaukwa mene nen helal waganogo hesukwa a'nogo ba mel, inasuk watì lagaike.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.