1 KORÌTÙT 9:3 - Ala Ane Wene Ket Mene Warogo Wo'ninapike Wene

³ Apùnì nen nabok weak iko kolek, an nen yì'nogo yogoisìkì lagì:

1 KORÌTÙT 9:3 ပူးပေါင်းရင်းမြစ်များ

2 TIMOTÌÙT 4:16

Apùnì nen ùkùm noba hìlìk, nanema emakum wanhenem, an nen he, “An noba le'maat o,” ìlùk ùkùm noba korikenem, it obogat an nera'lilu aike welagì'legat herakhanìlùk wùlùpa atì hesik, Ala nen ùkùm inoba hìgì'lek logouak, ìlùk sapan ìkì lagi.

PILIPI 1:17

Meneat he, it o'moko ua palì'lùgì mene atì nen, wene Karìsùt hesik yogoisìlì'lùgì atì, inetaùken omakeat logolìk yogoisìlì'lùgìi hùk. We, ina'la nen he, “Paùlùt eki hele warek werek atì, ebe weak asuak,” ìlùk, inokawerek inetage hùko asuagalùgat yogoisìlì'lùgì atì.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

2 KORÌTÙT 13:10

Atì nenat he, nebe walegat logolìk wene yì helal waganogo hìkì lagì. Nebe hobuk wagì halok ninom logolìk he, nane pùk weak wenakhikanogo ìlùk, helal atì'nogo waganogo hìkì lagì atì. Ninoe Etagepogot en omame wo'nesikomo esewerek welagì atì re, hit hinebe weagathinabuagalùk hùk. We, hinetaùken wurigethinabuagalùk esewerek welagì o.

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

2 KORÌTÙT 13:3

Hit en he: “Paùlùt atì re, Karìsùt a'la logolìk ìlì'logo he a? Lek he a,” ìlùk noabùt paluogolùk egep atì re, nebe waganem enagat hùthanugunat o. At Karìsùt hit hagatesep atì hesik ebe maben nen obaken nene kamo ikerek hùk. At hit hinom logolìk omameat werek o.

1 KORÌTÙT 14:37

At aike nen he: “An nen Ala ane yogohisoagalùk, Ala Areagùn nen noabùt atì wo'netomo,” ìgìk, i a, at he, “Hùnogo mene hagasuagalùk wo'netomo,” ìgìk, ike halok he, at en he, “Wene Paùlùt en ike atì re, ninoe Etagepogot en ninasuk wasike mene, helal waganogo ninoba lakhei waga atì,” ìlùk at hùthìlìk wanuak o.

LAKSASIKE 25:16

Yogoneta mene re, an nen oko mel yogoisìgì: Nit apùnì Ùrùm mene hagatorek he, ap aike ùkùm oba hikenem, it ùkùm oba hogoinwerek en ap atì ebe yogotenem, at en oko it yogoisìgì'le'ma re, inebe inoasuagalùk wogisasak lek, ìlùk yogoisìgì.

LAKSASIKE 22:1

“Nogogì nagoromì. Wene yì an noba le'ma o, ìlùk nokawerek nebe elelerogo yogohisegein yì re, hinasuk hanorogo holino,” ìlùk ikenem,

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

1 KORÌTÙT 9:2

It apùnì aike nen an hesik ìkì logolìk he: “At Paùlùt Karìsùt en ayoko hìgì'lek o,” ìlùk iko halok he, hit he, atì'nogo usak lek. An nayoko hìlìk lakhani wagaikomo wagagì ìlùk he, hit hinebe ninoe Etagepogot hinom hutik welagep atì ba enagat hùthanusak o.

1 KORÌTÙT 9:4

“An Ala eyabu hagatìrek atì hesik, neki oko sùpùrùk wo'netìk, i wo'netìk, ikenem, helasak lek nogo? Helasagat o.