1 KORÌTÙT 8:9 - Ala Ane Wene Ket Mene Warogo Wo'ninapike Wene

⁹ Hit yùgùnat nasagat meneat he, nikenem en, it apùnì like inetaùken akut mene weak asinogo ìlùk he, hinepe hebelogo logoino.

1 KORÌTÙT 8:9 ပူးပေါင်းရင်းမြစ်များ

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

1 PETERÙT 2:16

Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.

2 PETERÙT 2:19

Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

1 KORÌTÙT 10:24

Yì mene tì mene hinokawerek hesik esinethìkì logogùp. At he, it apùnì aike hesik esinethìkì logoino.

1 KORÌTÙT 10:32

Apùnì Ala againapùrì mene mel, nen, it Yahuri mene lek, Yunani mene lek, inetaùken Yesùt oba hìpìrethìgì'lek mene mel, weak asinogo ìlùk hinoabùt higit hogo hagatì logoino o.

1 KORÌTÙT 9:22

It apùnì inetaùken akut mene Karìsùt hesik woginabigìlùk he, an noabùt he, netaùken akut mene salek welagì. It apùnì obogat inoabùt hagatarek lopok hagatì lagì atì re, it mene aike telinabigìlùk atì'nogo hagatì lagì o.

1 KORÌTÙT 8:12

Hinerùgì hinagaiya'lak inetaùken akut mene ineil salogo weagarinapìk, inetaùken menetìk, ìkì lagep atì re, Karìsùt ebeat eil salogo hagatì lagep o.

1 KORÌTÙT 8:10

Hat aike nen he, wene atì helu logolìk o wam tùgì hareken ako waretare'ma kìlìk hebe hù'larìk negein halok he, at aike etaùken akut mene nen eileken hììlìk a'la nen he: “An aike negeinat o,” ìlùk a'la kagalasigin lek nogo? Kagalarìk negeinat o.

ABÌKAKAN 2:14

Atì'nogo meneat he, wene hamùlùgat aike an nabìt mene hagatì lagep mene atì yogohisak o. Hageat apùnì Isirael mene inebe weak asuagalùk, wam tùgì ako warek mene kùrìk nìkìk, pailak haksìgìk, uagalùk, ap Pileam en Palak yakùlesikomo, at en ina'la kagalhì lagaike mene atì, hit aike at awene atì hesogo welagep hisìgì.

2 KORÌTÙT 11:21

Nit hogo re, atì'nogo hagasusak he, ninoabùt ninayùksek en kamo isugu ìlùk usak he, nekalì apik hasak nogo? Lek o. It apùnì kepù mene nen egarek hak aike yogohisak. At aike ekalì lek hogorakike halok he, an hogo re, nekalì lek hogorakasagat o.

1 KORÌTÙT 10:29

Atì'nogo ìgì atì re, hit hinokawerek hinetaùken ekin asusak mene hesik ìgì hùk. At aike yogohisegein mene atì etaùken ekin asusak mene hesik ìgì o. Mene re, hit aike nen he, “An yùgùnat nasak werek kolegat he, at atì etaùken ekin asinogo ìlùk an nìkì'lek kamo usak atì nahalok.

ÙRÙM 15:1

Nit aike, ninetaùken Ala oba wurik hogo hìpìrìk welago mene nen, ninokawerek hesik enek nina'la hanorogo hagatì'lek, we, it aike inetaùken akutmo abolok werek mene atì, lebethisìkì logousak o.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

1 KORÌTÙT 10:28

Atì'nogo meneat he, it aike nen he: “Yì tùgì hareken ako wata mene kùrìk,” ìlùk yogohisiko halok he, at yogohisike mene atì ebe hesik, etaùken hesik, nagùp o.

2 KORÌTÙT 6:3

Apùnì aike nen he, “Hit Ala hesik hagatì lagep atì kolo hagatì lagep,” ìlùk ninabok weak palinogo ìlùk he, apùnì aike weak hagasuagalùk ina'la kagalogo yì hake tì hake kolo mene hagatì lago lek.

2 KORÌTÙT 11:29

At aike maben aga halok he, an maben asu hak, na'la weak agaregat. Nen, at aike weak mene nen a'la kagalhenem weak aga halok he, an na'mage lagaikeregat.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.