1 KORÌTÙT 8:3 - Ala Ane Wene Ket Mene Warogo Wo'ninapike Wene

³ Atì'nogo meneat he, at aike nen, Ala ebe etaùken hutik halok he, Ala nen at atì ebe elu o.

1 KORÌTÙT 8:3 ပူးပေါင်းရင်းမြစ်များ

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

ABÌKAKAN 2:19

Hit hinoabet hagatesep mene atì an nelu o. It apùnì aike hinetawìrogo welagasep atì mel, hinaberalì agì'lek hinoabùt hùpù hogo welagasep atì mel, it aike leberisegesep atì mel, it aike nen yì aik tì aik hinoba hiko kolek, hinepe morogo welagasep atì mel, obogat an nelu o. Nen, alep hamùlùgat negen hagatì lagagip meneat he, yogotak motok apik hagatì lagep atì, an neluat o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

YOHANET 10:14

Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì.

MATÌÙT 7:23

an nen pak hogo yì'nogo yogoisegein: Hit hinebe an nokot o. Weak motok hagarìk nìkì lagep mene atì nera'lu ya logogùp o. Pùgùlakani, ìlùk yogoisegein o,” ìlùk yogoisasike.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

ÙRÙM 11:2

Ala nen againapùrì hageat en wenaginapike mene atì heraksasike lek o. Wene at Elia nen hagasike wene helal waganek werek anogo hinokot nogo? At en he, Ala nen it ùkùm inoba hìkì logouagalùk, mel ìkì lagaìke:

1 KORÌTÙT 13:12

Yogotak ya re, inapùnak mùm werek kolek ineileken lakhagarek hak, agasabeke mene lakhìkì lago. Meneat he, hobuk ebe mene tùkùm hogo lakhogoin o. Yogotak he, wene ato he'na nek ninelu welago. Meneat he, hobuk at Ala nen an nebe tùkùm hogo elu atì hak, an nen at Ebe tùkùm hogo nelu asigin o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.