1 KORÌTÙT 7:7 - Ala Ane Wene Ket Mene Warogo Wo'ninapike Wene

⁷ Apùnì obogat he, an hìmì lek welegat welagìrek hak logoumo re, hano, ìlùk akìgìrek meneat he, at Ala nen he, ninoabùt lopok, at aike oabùt hùnogoat, at aike oabùt hùnogoat, wo'nisasike atì nenat he, atì'nogo mea o.

1 KORÌTÙT 7:7 ပူးပေါင်းရင်းမြစ်များ

1 KORÌTÙT 9:5

Nen, it ap aike Ala nen inayoko hìlìk laksa wagaike mene mel, ninoe Etagepogot agoromì opolik mene mel, at Kepat mel, inagagwì wogisek nùgì atì hak, an enek he, nagwe Ala a'logo mene wolok nìkì logousak lek nogo?

ÙRÙM 12:6

At Ala oabùt hano nen, nit obogat ninoabùt lopok wo'nisasike atì nen he, at en wo'nisasike higit hogoat hagatì logousak o. It aike nen Ala ane yogoisìkì logouagalùk inoabùt wogisasike mene re, inetaùken at oba hìpìrethìlìk welagaikarek higit hogoat yogoisìkì logousak.

1 KORÌTÙT 12:4

Ninoabùt lopok hùnogo tomok wo'nisikerek atì re, Ala Areagùn omakeat mene nenat wo'nisikerek o.

1 KORÌTÙT 7:8

Hit ap aike, hinagagwì lek mene mel, hit hìlìmìkìrùgì mene mel, hìmì soge mene mel, an welagìrek hakeat logoumo re, hano, ìlùk yogohisìgì atì.

1 KORÌTÙT 12:11

Atì'nogo wogisikerek atì re, Ala Areagùn omakeat atì nenat a'la akalùk, yì hagatìk, tì hagatìk, ìkì logouagalùk inebe lopok mìkìlogo wogisikerek atì.

LAKSASIKE 26:29

Atì'nogo yogosikomo, at Paùlùt en he, “Yogotak ya he a? Logopik en he a. Hat mel, hit aike nane yogotak holhì lagep mene hinebe obogat mel, an neki hele warek welagì yì hake nek hinoba agì'lek, an welagìrek hagat haga'lasuageip ìlùk Ala ayoko hìkì lagì o,” ìlùk yogosike.

1 KORÌTÙT 9:15

Atì'nogo isike meneat he, an he, hano wene alisik hogo atì'nogo wanhì'lek welagìrek. An hesik atì'nogo wo'nesuagalùk wene yì helal waganogo lakhei wagì hùk. An atì'nogo wo'nesuagalùk hagatì'lek welagì ìlùk he, hogorakìkì lagì mene yì re, at aike nen nane legethousak he, nabit. An nebe wa'lasumo re, hano.