Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 KORÌTÙT 6:3 - Ala Ane Wene Ket Mene Warogo Wo'ninapike Wene

3 Nit enat, it malaikat Ala nen yoko pelaksa wagarek mene amanogo, ùkùm inoba hìgìk, kotìk, ugun atì hinokot nogo? Halok he, nit kweangma yoma logolìk, apùnì ùkùm yì hesik tì hesik inoba aganem, nit en pìlìngìthìlìk ùkùm inoba hìgìk, kotìk, usak lek nogo? Usagat o.

အခန်းကိုကြည့်ပါ။ ကော်ပီ




1 KORÌTÙT 6:3
14 ပူးပေါင်းရင်းမြစ်များ  

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.


“Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.


Ùkùm atì'nogo mene hinoba aga halok he, pìlìngìthìlìk ùkùm hinoba hìgìk, kotìk, uagalùk sanì inayoko hìkì lagep. Nit Ala againapùrì nen he, “It atì inoabùt weak,” ìlùk ogorek mene atì inayoko hìkì lagep a?


Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.


At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,


It ap ekaragùntek atì, inogogì kaintek ina'la hai hakoagalùk, weim yapì logolìk, yì mene tì mene ouma mene oba ebetì'legat yaparek atì.


It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.


Hit he, ap aike atitigeke arìk he, ane holek logouogolùk, awe a'ma kìlìk logolìk, at ane holhì lagep halok he, at atitigeke meneat welago ìlùk hinokot nogo? Weak hagatarek mene atì awe a'ma kìlìk he, wùrep oba wa'lagaikarek atì. Meneat he, at Ala ane hologo logolìk he, at awe a'ma kìlì'mo, wùrep oba at en ùkùm ninoba mene korogo wokhìlìk at ninom hobuk ninapotkwe hùnogo hinikerek atì.


Nit ninebe yì re, Karìsùt eki esok hake welago, ìlùk hinokot nogo? Halok, ninebe Karisùt eki esok welago atì mene waganogo, hìmì inoabùt yanani mene atì inom hùnesusak nogo? Motok lek o.


It ap hìmì inoabùt yanani mene atì inom hùnì'lùk he, inebe omakeat agaikarek, ìlùk he, hinokot nogo? Ala nen ìkì logolìk, “It inebe pìre mene at he, hobuk omakeat haga'larìk logogun o,” ìlùk isikomo helal waganogo hesukwama werek atì.


Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ