1 KORÌTÙT 5:9 - Ala Ane Wene Ket Mene Warogo Wo'ninapike Wene

⁹ An nen alebat wene helal waganogo hinoba lakhei waga logolìk he, mel yogohisasigi akìgì: “Hit he, it apùnì pailak haksìlì'lùgì mene hinom lapuk hogo logogùp o,” ìlùk yogohisasigi o.

1 KORÌTÙT 5:9 ပူးပေါင်းရင်းမြစ်များ

EPESÙT 5:11

It o mùmmo logolìk he, hanorinabigin lek mene weak hagarì'lùgì mene atì re, hinom lapuk hogo hagatì logousak lek. At he, atì'nogo hagatenem hukalogo wenagisìkì logoino.

2 TESALONIKA 3:14

Wene helal waganogo hinoba lakhei wago mene atì, it aike nen inasuk hologo hagasusak inabìt mene atì, inekalì asuagalùk it inoabùt atì'nogo hagarì'lùgì mene atì hùthìlìk he, hinom hùnethìlìk logogùp o.

2 TESALONIKA 3:6

Nerùgì nagaiya'lak. Hit hinerùgì hinagaiya'lak aike Ala againapùrì meneat he, wene nit en hinasuk wasugu a'nogo hologo hagatì'lek heraksìlìk, ineki wanhì'lek kù'lìk souge nùgì mene atì, hinom hutik logogùp o.

2 KORÌTÙT 6:14

Hit apùnì inetaùken Ala oba hìpìrethìgì'lek mene atì, hinom agale hùnetùp o. Apùnì higit hogo hagarì'lùgì mene mel, inasuk ware'lek hagarì'lùgì mene mel, inom hutik logousak nogo? O lìa atì mel, o mùm atì mel, inom apìma logousak nogo? Motok mea o.

1 KORÌTÙT 5:7

Apùnì Yahuri mene pesta Paskah nìkì logolìk, topa warn warogo, eken horoti hisuagalùk a'la pelaparek mene wulaksìlìk, hìtì'lek mene nek nekarek hak haga'no. Ninako topa wasu hak, Karìsùt nit hesik arat wasukwa atì nen he, hinebe horoti ket hìtì'lek mene agasip welagep hak eberogoat asuageip en, eken horoti hisuagalùk pelaparek mene alep mene wulaksagarek hak, weak hagatì lagep mene atì horogo heraksano o.

1 KORÌTÙT 5:2

Atì'nogo hagate kolegat he, hit hogorakìkì lagep atì. Hit hagasusak he, hina'la weak arìk, ap weak hagate werek atì, wulaksasak mene hinom lapuk hogo welagep atì.

2 KORÌTÙT 6:17

Ninopase Etagepogot a'nogo nenat, aike mel isike: “Hit hinebe it apùnì aike ina'lakwe, ina'lakwe, welagep atì heraksalùk he, nomok hogo wùlìi we'ni o. Wùlìbi waganem he, an nen wokhinabik en, weak mene atì hobuk hineki haka kùgùp o.

1 KORÌTÙT 5:10

Atì'nogo yogohisasigi atì re, it apùnì Ala ane inokot logolìk pailak haksagarek mene mel, inamì'mìk weak hagatarek mene mel, lalinaparek mene mel, tùgì hareken oba hìpìrìk logolìk hogoratarek mene mel, it atì hesik yogohisasigi lek o. It atì'nogo hagatarek mene hinom logousak lek, ìlùk ilema re, it apùnì kweangma mene yoma motok heraksalùk wùlìbilep o.