1 KORÌTÙT 5:3 - Ala Ane Wene Ket Mene Warogo Wo'ninapike Wene

^3-4 An nebe walegat welagì mene re, netaùken hit ninom welago hake o. Atì nen, nebe ninom logolìk u hak he, ninoe Etagepogot Yesùt etage palogo re, at ap weak hagate werek atì ùkùm oba higima werek o. Halok, hit omakìma atogotenem, an netaùken ninom welago hake atì nen, ninoe Etagepogot Yesùt omame ba, mel haga'no.

1 KORÌTÙT 5:3 ပူးပေါင်းရင်းမြစ်များ

KOLOSE 2:5

An nebe walegat welagì meneat he, netaùken hit hinoba lakhei wagarìk, ninom atoma welago hake. Logolìk, hinetaùken Karìsùt oba hìpìrethìlìk, hinetaùken omakeat ningsek higit-higit hagatenem neileken hisìkì lagi hakema re, na'la hai hakìkì lagi o.

1 TESALONIKA 2:17

Nerùgì nagaiya'lak. Nit en he, hit hinalepma hikalùk wagagusik, yogotak ya elama hesik ninebe walegat welago meneat he, ninetaùken hit ninom omakìma welago hake atì. Atì'nogo logolìk he, “Inelokoken nineileken hisa lelo e,” ìlùk, hageat en nina'la walok apik akìkì logolìk hinoba wesuogolùk walhìkì lagosik.

2 KORÌTÙT 13:2

An alep neki aike wagagisik oba nen hobuk wagagi atì ba, it apùnì hit mene aike alebat weak hagasukwa mene mel, nen it he'nakìt o atoma mene inebe obogat mel, inasuk wasigi mene yogotak an nebe walegat logolìk ina'la eberogo yogoisegeinat o. An hobuk wìrìk he, it atì sebelogo hisa wesigin lek. We, ùkùm inoba hei wasigin o.

2 KORÌTÙT 10:11

Nit hobuk wìrìk he, it atì'nogo ìlì'lùgì mene atì, ninebe walegat logolìk wene helal waganogo lakhei wago mene higit hogoat hagasi wesugun atì nen he, hùthìlìk logouak o.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

1 KORÌTÙT 5:12

It apùnì Ala ane inokot mene ùkùm an nen inoba housak nogo? Lek o. We, Ala nen inoba hegein werek o. Ala ane helal waganogo hìkì logolìk he, mel isukwa: “At aike hina'la logolìk weak hagarì'logo mene atì, wulaksano,” ìlùk isikomo helal waganogo hesukwama werek atì nen he, ap aike hit Ala againapùrì hinom atogotì lagep mene nen weak hagate halok, hit en ùkùm oba housak lek nogo? Housagat o.