1 KORÌTÙT 3:9 - Ala Ane Wene Ket Mene Warogo Wo'ninapike Wene

⁹ Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

1 KORÌTÙT 3:9 ပူးပေါင်းရင်းမြစ်များ

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

2 KORÌTÙT 6:1

At Ala nen he, mel isikomo helal waganogo hesukwama werek: “An nen he, hit hinane nasuk holusak akìgì baat holhì o. Hinebe telhinabusak higit obaat lebethisa wagì o,” ìlùk isike atì re, Ala nen ninane asuk holusak he, o yogotak yaat o. Nen, ninebe telninabusak he, o yogotak yaat o, ìlùk hina'la ebe'ni o. Halok he, nit Ala ninom at hesik hagatì logolìk he, at oabùt hano nen etawìthinapikomo, at ebe wanhigip a'nogo, we tùlemat alematùp o, ìlùk hinasuk watì lago atì.

1 KORÌTÙT 3:16

Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?

MAREKÙT 16:20

Ati'nogo wolok lagasikomo re, at Yesùt agoromì amanogo o yì awì tì awì obogat wene yogoisìlìk lagaukwa. Wene yogoisìlìk laganem he, apùnì nen he, “It wene yogonisìlìk wagaika atì eberogoat,” ìlùk wene hùthoagalùk, ninoe Etagepogot inom motok logolìk, it en elalinat hagatenem, at en wene atì omamethesike.]

MATÌÙT 9:37

Etawìrinapikesik he, at agoromì ane wanhì lagaukwa mene amanogo mel yogoisasike: “Eken ugu apik werek meneat he, apùnì eken ebe palusak mene inebe hamùlùgat o.

1 KORÌTÙT 3:6

Wene atì, sùpùrùk awì yatarek hak, an nen yasigi. Nen, at Apolot en he, i kesalìk lagaike. Nen, ebe re, at Ala nenat hùkothesike.

KOLOSE 2:7

hinomaken Yesùt oba ning hogo yakhìlìk he, hinetaùken at oba katok hogo hìpìrethìlìk, hinom hutik logolìk he, hinetaùken wurik ago motok logolìk, Ala hai wato motok logoino o.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

1 KORÌTÙT 6:19

Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.

LAKSASIKE 4:11

Alebat Ala ane ba helal mel ìlùk waganogo hesukwa: Hit o helep mene wùtì logolìk, Helep yì weak o, ìlùk hebisegep meneat he, obùleat ya'laga yì, ìlùk Yesùt hesigat, helal waganogo hesukwa atì.

3 YOHANET 1:8

It atì ebe wene Ala ane a'nogo hesik hagarìlùgì atì, nit ninom enat hagasu hak hagatì logouak en, leberisìkì logouogat o.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

MATÌÙT 16:18

Nen, aike inom yogohesik. Hat hetage helep u hak, Peterùt o. Nen, helep isa yì ba hìpìrogo re, an nagoromì atogorogo hisìlìk o negen wùrogo hisìgì halok he, at a'ma baga esewerek a'nogo nen ning hogo hagisek logogin lek o.

MATÌÙT 15:13

Atì'nogo yogosukwama at Yesùt en he, “Yì mene tì mene an nopase pogot oba mene nen awì yatì'lek mene halok he, motok henogo laksegeinat o.