1 KORÌTÙT 3:3 - Ala Ane Wene Ket Mene Warogo Wo'ninapike Wene

³ Hit-hirat ua palhìk, wene palhìk, ìkì lagep halok he, hinoabùt he, apùnì inoabùrat welagep o. Apùnì inoabùt inesogat logolìk hagatarek hak hagatì lagep atì nen yogohisìgì o.

1 KORÌTÙT 3:3 ပူးပေါင်းရင်းမြစ်များ

YAKOBÙT 3:16

Ina'la kolo arìk ua palhìk, inokawerek hesik enek oba ebetìk, ikenem he, inane hùkoat sagalhìk, yì weak tì weak hagatìk, egarek atì.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

1 KORÌTÙT 11:18

Hit wene alebagìk yogohisegein akìgì re, yì. Apùnì nen he, “It Ala againapùrì Ala awì wùrì'mo atogothìlìk, it-it inebe hùlì warì'lùgì o,” ìlùk yogonetama wene atì nasuk holhìrìk, ato eberogoat hagarì'lùgìma ìlùk akìgì o.

1 KORÌTÙT 1:11

Nerùgì, nagaiya'lak. Wene atì'nogo ìgì atì re, apùnì he Keloe were'ma nen wagaikasik he, mel egama nen: “It-irat wene palì'lùgì o,” ìlùk pak hogoat yogonesi wagaikama nen yogohisìgì o.

ÙRÙM 13:13

O lìa ba logolìk hagatarek hak, ninoabùt higit hogo hagatì logouok. Pesta nalùk weak hagatìk, i negen nalùk lùgùlùgì palhìk, egarek atì hak hagasusak lek o. Yùgùnat pailak haksìgìk, inekalì lek hagatìk, egarek atì hak hagasusak legat o. Wene palhìk, ua palhìk, egarek atì hak hagasusak legat o.

1 PETERÙT 4:2

Ati nen, hit en he, apùnì yì mene tì mene walok en inetaùken nen nikerek atì mene heraksìlìk, hùlì yogotak hùlì nen he, hineluk logolìk Ala a'la walok akikerek mene atì nek hagatì logoino o.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

1 KORÌTÙT 3:4

Atì'nogo hagatì logolìk, hit aike nen he: “Nit Paùlùt akìt,” ìgìk, nen, hit aike nen he: “Nit Apolot akìt,” ìgìk, ìkì lagep halok he, hinoabùt he, apùnì inoabùrat welagep o.