1 KORÌTÙT 2:3 - Ala Ane Wene Ket Mene Warogo Wo'ninapike Wene

³ Na'la atì'nogo akasigisik ebetì logolìk, an nokawerek nebe mabenatma nayùk en noagelekwe lei'-leigat hinoba wagagisik welagagi akìgì.

1 KORÌTÙT 2:3 ပူးပေါင်းရင်းမြစ်များ

2 KORÌTÙT 13:4

At Karìsùt ebe maben were'ma e ba menhìlìk wasukwa meneat he, at Ala omame ba eluguthesikomo elugat welagarek. Atì hagat he, nit at ninom hutik logolìk maben welago meneat he, at Karìsùt ninom hutik nineluk logolìk he, Ala omame ba hit hesik hagasi wesugun o.

2 KORÌTÙT 13:9

Nit maben werek kolek he, hit hinomame werek logousak halok he, hano ìlùk, nina'la hai hakìkì lago. Atì hesigat he, hit hinetaùken katok hogo wurik asuagalùk, Ala ayoko hìkì lago.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

2 KORÌTÙT 6:4

Apùnì nen he, “It Ala nen inayoko hesikomo, at hesik hagatì logousak meneat hagarì'lùgì,” ìlùk hùthinoagalùk he, yì aik tì aik haga'ninapìk, wiik-weak hogo haga'ninapìk, hobo'nisìgìk, iko kolek, ninepe morogoat logolìk yì mene tì mene enagat hagatì lago.

2 KORÌTÙT 4:16

Atì nenat, nina'la pùk arìk heraksìgì'lek ning hogo hagati lago. Ninogat etakwe yì re, weak aga kolegat he, nina'la a'makwe re, ninhùp-nanhùp ket haga'ninapo motok werek.

2 KORÌTÙT 4:1

At Ala ninebe etawì nen he, at hesik yì'nogo hagatì logouagalùk ninayoko hesike atì nen he, nina'la pùk arìk heraksìgì'lek hagatoat welago.

LAKSASIKE 18:12

O propinsi Akaya atoma ap kain Kalìo gubemur logouagalùk menhesukwama were'ma, it apùnì Yahuri mene inebe atogothìlìk, Paùlùt ebe wasuogolùk hakhesukwasik he, anema wanuagalùk ap ùkùm inoba hìgìk, kotìk, egarek mene inoba wolok lagaukwa.

LAKSASIKE 18:6

Atì'nogo yogoisikenem he, it en he, “Weak ìkì lagen o,” ìlùk abok weak palhì lagaukwama re, at Paùlùt en he, “An wene noba selek o,” ìlùk u hak, asu etakwe mene alolong hesalogo pelaksìkì logolìk he, mel yogoisasike: “Hit hinokawerek en nong akegep halok he, hinoba lopok o. An noba lek o. Hùlì yogotak hùlì nen, an apùnì etakwe mene wene yogoisa legein o,” ìlùk yogoisasikesik he,

2 KORÌTÙT 7:5

Nit o Maketonia yoma wagagusik were'marogo re, ninoba hapugurakìgì'le'maat, weaga'ninabuogolùk yì aik tì aik haga'ninapukwaat atì. Apùnì aike nen ninoasuogolùk ikenem, nit ninetaùken ninayùk aga kolek welagosik.

LAKSASIKE 17:1

At Paùlùt Silat eperak o atoma nen he, o Apìpolìt en Apolonia nen pìkìt o kota Tesalonika wagaukwa. O Tesalonika atoma re, o apùnì Yahuri mene sapan ìkì lagaukwa ba aike wùrìk welagaike.

LAKSASIKE 18:1

Atì'nogo haga'lùk he, at Paùlùt o kota Atena atoma hebùlùk o kota Korìtùt wagaike.

2 KORÌTÙT 7:15

At en hit hinebe etawì welaga meneat he, ebe hinoba wagama re, hinayùk agìk, hinoak lei'-leik ìgìk, ìkì logolìgat at ebe wanhesip, at en yogohisikenem, ane hologo hagatep mene atì, hinoba ebethinapì logolìk he, hit obogat hinebe motok etawìthinabì'logo o.

EPESÙT 6:5

Hit apùnì inatitigeke mene nen he, Karìsùt ane hologo hinetaùken omakeat hinayùk hogo logolìk hagatesep hak, hinogogì kaintek inane hologo agauk hogo hagarinapì logoino.