1 KORÌTÙT 2:1 - Ala Ane Wene Ket Mene Warogo Wo'ninapike Wene

¹ Nerùgì nagaiya'lak. Ala ane atì a'la hinago were'ma, apùnì kweangma mene nen inokot mene atì, an nen hukalogo yogohisa wagagi atì re, an nane higit hogo ìgìrek en, na'la kagalek en, yogohisa wagagi lek.

1 KORÌTÙT 2:1 ပူးပေါင်းရင်းမြစ်များ

1 KORÌTÙT 1:17

At Karìsùt en he, an nen apùnì ima pelaginapì logouagalùk lakhani wagaike hùk. Lek o. We, Ala ane hano wene atì yogoisìlìk nìkì logouagalùk lakhani wagaike o. At ebe e ba menhìlìk wasukwa a'nogo alema'lasi nogo ìlùk he, an apùnì inawene mene kagauk hogo egarek atì hake ìkì logouagalùk lakhani wagaike lek o.

1 KORÌTÙT 2:13

At Areagùn helasugusik he, Ala oabùt hano nen wo'nisikerek wene atì, apùnì Ala Areagùn ina'la werek mene yogoisùogolùk he, apùnì ina'la kagalek mene nen yakùlnisikenem yogoisìkì lago hùk. We, Ala Areagùn nen yakùlnisikenem yogoisogorek o.

1 KORÌTÙT 2:4

Atì'nogo logolìk he, apùnì inawene an na'la kagalek en, nane hano nen, ning hogo yogohisasigi lek o. We, at Ala Areagùn omame ba, yogohisasigimo, ebe agaikomo re, hineileken hasigip.

2 TIMOTÌÙT 1:8

Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

ÙRÙM 16:18

It atì re, ninoe Etagepogot Karìsùt awe a'ma logolìk, at hesik hagarì'lùgì hùk. We, inokawerek ina'la walok mene hagarì'lùgì o. Atì'nogo hagatì logolìk, inane hano ìgìk, lìok hogo ìgìk, ìkì logolìk he, it apùnì aike inoabùt, “Ì o,” nek egarek mene atì lalinabì'lùgì atì.

2 KORÌTÙT 11:6

An wene ikenem inoba wùsùhùk meneat he, wene ebe nokot hùk o. Nelu. An nen ninhùp-nanhùp yì hesik tì hesik ikenem he, hit en, “At wene elu o,” ìlùk enagat hùthanhì lagebat o.

ABÌKAKAN 1:2

Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

2 TESALONIKA 1:10

At wesigin atì like ebe waganem he, okawerek againapùrì inetaùken at oba hìpìrethìlìk welagaikarek mene nen, at ebe hogoratìk, agaugeratìk, uagalùk wesigin atì. Nen, nit en wene atì ninelu mene pak hogo yogohisa wagagumo re, hit en, “Eberogoat o,” ìlùk wanhìgip atì nen, hit ninom enat, at hogorasugun o.

1 KORÌTÙT 1:6

Wene atì re, Karìsùt hagasike wene yogohisasigi mene, hina'la wanhigisip hinetaùken wurigethegep o.

LAKSASIKE 22:18

Nabìkakan oba, ninoe Etagepogot en he, Hat en, heileken an neegen mene atì mel, hasuk holhen mene atì mel, apùnì o yoma mene pak hogo yogoisikenem, hane inasuk holugun motok lek o. Halok, o Yerusalem yoma nen hepok wùlìbino, ìlùk yogonesikomo, nabìkakan oba hasigi.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

1 TIMOTÌÙT 1:11

Nen, wene atì higit hogo, hano wene a'nogo an nen yogoisìlìk nìkì logouagalùk noba hesike. Hano wene atì re, Ala hogoratìk, hai watìk, ogorek mene a'nogo aneat o.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

1 KORÌTÙT 2:7

Wene atì Ala a'la kagauksek wene hinago welagaike mene hukalogo yogoisogorek. Wene atì apùnì kweangma mene inokot meneat he, emakum Ala nen yì mene tì mene elalhì'lek logolìk he, at enat nit hano'ninapenem nina'la hai akoagalùk a'la akasike mene hinagoat welagaike.