1 KORÌTÙT 13:3 - Ala Ane Wene Ket Mene Warogo Wo'ninapike Wene

³ Yì mene tì mene an nekim mene obogat apùnì inagarok lek mene sùpùrisìgìk, nebe motok warogo halì noagalùk neram enat ìgìk, ìkì logolìk meneat he, apùnì aike inebe netawìrogo logogin lek halok he, we, tùlemat alemarogo ìkì logousak o.

1 KORÌTÙT 13:3 ပူးပေါင်းရင်းမြစ်များ

YOHANET 15:13

It he'nakìt inagaiya'lak inetaùken hutik he, mea negen meneat he, ap aike agaiya'lak etaùken hutik en, it hesik wa'lasigin atì nek he, motok esin o.

MATÌÙT 23:5

It en yì hake tì hake hagarì'lùgì atì obogat he, Apùnì nen ye'nisek logouak, ìlùk, ina'la akìkì logolìk hagarì'lùgì o. It en he, Sapan ìkì lagì, ìlùk, Ala ane sùesika ba helal waganogo ineilha ba homatarek a'nogo, it en hùkorogo homatìk, su etakwe mene hùnogoat labetarek a'nogo, it en su o'lu uan hogo karogo labetìk,

KALATIA 5:26

Atì'nogo hagatì logolìk, ninokawerek en hogorakìgì'legat, nit-nit aike nen aike ina'la weak asuagalùk hagatì'legat, nit-nit ua palogo aike nen aike ninabìt hisìgì'legat, hagatì logouok o.

LUKAT 18:28

Atì'nogo yogoisasikomo, at Peterùt en he, mel yogosike: “Mene re, nit hat hopolik nìkì logouogolùk ninagarok yì mene tì mene heraksalùk wagosik nìkì lago mene yì nek he, nìkìnik,” ìlùk yogosikomo,

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

1 TIMOTÌÙT 4:8

Apùnì inebe hesik mop eluk hogo ineki aike wanharek atì, yogotak ya elama hesik hamùlùgat hano negen hagatarek. Meneat he, ninetaùken hesik Ala awe a'ma logolìk, at eyabu wanhì logoumo, at Ala nen he, “Yogotak hineluk welagep mene hesik mel, hobuk hineluk motok logogun mene hesik mel, hano motok asìgìn o,” ìlùk, abok yogonisasike atì eberogoat.

YOHANET 12:43

It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

YOHANET 13:37

at Peterùt en at oba hinok wokhìkì logolìk he, “Noe. An hat hesik wa'lasusak welagì meneat he, hat en he, yogotak an nopolik wesusak mea egen atì nenahalok,” ìlùk yogotì lagaikomo,

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

LUKAT 19:8

at Sakeùt a'nogo melagaikesik he, at ninoe Etagepogot Yesùt mel yogosike: “Noe! An nagarok yì mene tì mene obogat tùlem heirogo mìkìlogo re, it apùnì inagarok lek inelageik mene atì sùpùrisegein. Nen, an nen apùnì napeliak en lalinapi mene halok he, oko neki 4 oba nen hobuk oba louk hogo wogisegein o,” ìlùk yogosike.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.