1 KORÌTÙT 1:9 - Ala Ane Wene Ket Mene Warogo Wo'ninapike Wene

⁹ At Ala nen aput ninoe Etagepogot Yesùt Karìsùt hinom hutik logouageip ìlùk hinayoko hesike atì. Atì'nogo, at oabùt hùpùn mene nen hinayoko hesike atì nen he, ebe asigin ìlùk hinetaùken menenù sikip hogo logousak o.

1 KORÌTÙT 1:9 ပူးပေါင်းရင်းမြစ်များ

2 TESALONIKA 3:3

Mene re, ninetaùken ninoe Etagepogot oba hìpìrethikenem, ninane hologo hagaterek mene atì nen hinetaùken wurigethinapì logolìk, at oabùt motok weak mene atì nen weagathinabigìlùk ikenem hakhisek logogin atì nen, hinetaùken at oba hìpìrethìlìk logoino o.

IBERANI 10:23

At oabùt he, “Wokhisegein,” ìlùk abok yogonisikeresik, ebe wo'nisikeregat atì, nit en he, “Eberogoat tip hogo wo'nisegein,” ìlùk apùnì ineilhanem ninane pak hogo ogorek mene atì iko motok logolìk, ning hogo hesogo logouok o.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

1 KORÌTÙT 10:13

Hit weak hagasuagalùk hina'la kagaligìlùk waganem aberùgì hegesep atì re, nit apùnì obogat nina'la kagaligìlùk waganem hogorek hagat hìkì lagep o. Meneat he, Ala nen abok yogonisasike higit hogoat hagateresi'mo re, weak hagasuagalùk hina'la kagaligìlùk waganem he, hit en hinetaùken sebelusak mea mene, Ala nen herakhikìgì'lek hakhisek logogin o. Hina'la atì'nogo kagalho kolek, hinetaùken sebeluageip en ìlùk, Ala nen wene higit hogo yogohisegein werek o.

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

ABÌKAKAN 19:11

Wene atì'nogo yogonetesik oba nen opolik he, pogot healaganem wam etage kuda esi kut mene apot oba, ap aike etage re, Hùpùhogohagarìk, ìgìk, Eberogoarìlìk, ìgìk, egarek mene, hùrek logolìk, weim higit hogo yapìk, ùkùm higit hogo inoba hìgìk, kotìk, ìlìk nikenem lakhìgì o.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

2 KORÌTÙT 1:18

Lek o. At Ala ane eberogoat enek yogonisikerek atì hak, nit en he, “Ì o,” ìlìk en, “Lek,” ìgìk, yogohisogorek lek.

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

1 YOHANET 4:13

Ala nen Areagùn wo'nisasike atì ba, nit en akìkì logolìk, “At nit ninom hutik werek. Nen, nit at ninom hutik welago,” ìlùk hùthìkì lago o.

IBERANI 11:11

Nen, at Aberaham ebe yaman agaikesik agwe Sara abìlì welagaike meneat he, at Aberaham a'la nen he, “Ala nen abok yogonisasike a'nogo eberogoat wo'nisegeinat o,” ìlùk etaùken Ala oba hìpìrethìlìk welagaike atì ba, aput Sara eak takasak elok agaikomo, takasike.

ÙRÙM 9:24

Atì'nogo akikerek mene atì, nit apùnì Yahuri mene nek wena'ninapikesik ninayoko hesike hùk. It etakwe mene ninomat wena'ninapikesik inayoko hesikeat o.

ÙRÙM 8:30

Alebat Ala nen ninebe wena'ninapike mene hùgì, ninayoko hesike. Atì'nogo ninayoko hesike mene hùgì, ùkùm ninoba mene korogo wokhìlìk, hobuk ninom ninapotkwe hùnogo hinikomo welago. Ninebe atì'nogo hùnogo hinike mene hùgì, at ebe hogorato motok welagaikarek mene atì hake asuagalùk wo'ninapike.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

2 TESALONIKA 2:14

Ninoe Etagepogot Yesùt Karìsùt hogorato motok welagaikarek hak, hit atì'nogoat hinom hogothinabuagalùk, Ala walok en hano wene nit en yogohisa wagagu atì ba, hinayoko hesikomo welagep.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

EPESÙT 3:6

Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

MATÌÙT 24:35

Pogot mel, kweang mel, atì lek asigin meneat he, an nane atì lek asigin motok lek o,” ìlùk yogoisasike.

KALATIA 1:15

Atì'nogo meneat he, Ala oabùt hano a'nogo nen hageat nagosa a'la nen oan ta'napì'lek werek kolegat he, nebe wena'napike.

1 KORÌTÙT 10:16

Amusu nìkì logolìk he, Ala hai warogo nìkì lago atì, Karìsùt amep wulagasogo wasukwa atì ninom hutik welago ìlùk nìkì lago lek nogo? Nen, sùpùrùk kurogo nìkì lago atì, Karìsùt ebe ninom hutik logolìk ninebe omakeat welago, ìlùk, kùrogo nìkì lago lek nogo?

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

ÙRÙM 11:17

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

2 TIMOTÌÙT 2:13

Mene re, at okawerek en, “An noabùt alep welagì mene atì lek o, ìlùk hùnogoat munenagarek lek atì nen, nit at oba lopoksek logogun lek halok, at en nit ninoba lopoksek motogat welagarek o,” ìlùk, egarek atì eberogoat o.