ZEFANYA 2:9 - KITTA KAREBA MADECENG

⁹ Nasaba Iyya iya tuwoé, Allataalana bangsa Israélié, Usaringngi matu gangka mapaccing Moab sibawa Amon pada-pada Sodom sibawa Gomora. Iyaro sining wanuwaé pennoi matu sibawa sining bujung pejjé sibawa sining ruttungeng mannennungeng iya natuwoiyé alekale maddori. Sésana umma'-Ku iya leppe'é rampo'i matu pabbanuwana, sibawa sittaiwi tanana mennang.”

ZEFANYA 2:9 ပူးပေါင်းရင်းမြစ်များ

YESAYA 11:14

Silaongngi matu mennang gasai tau Filistingngé ri yajang sibawa rampo'i bangsa-bangsaé ri alau. Napatunru'i matu bangsa Edom nenniya Moab, sibawa tunru'i matu bangsa Amongngé lao ri mennang.

YESAYA 25:10

Puwangnge linrungiwi matu Bulu Sion, iyakiya Moab riléjja'-léjja'i matu pada-pada daramé ri onrong warowoé.

YESAYA 49:18

Itai sibawa tiroi ri mattulilimmu, maddeppungenni ra'ya'mu sibawa lao ri iko. Nasaba Iyya, Allataala iya tuwoé, makkeda, tongeng, matempoko matu nasaba pabbanuwamu, pada-pada makkunraié mabangka'i nasaba bélo-bélona.

YEREMIA 46:18

Iyya Allataala iya tuwoé, Iyya arung, Puwang Iya Pommakuwasaé. Pada-pada Bulu Tabor maccaloli ri yelle'na sining bulué, nenniya Bulu Karmél maccaloli ri yasé'na tasi'é, makkuwaniro awatangenna aléna iya polé gasako.

YEREMIA 48:1

Iyanaé napowada Puwang Iya Pommakuwasaé, Allatalana Israélié passalenna Moab, “Macilakani pabbanuwana Nébo, maruttunni kotana! Risittaini Kiryataim, sibawa bénténna iya masse'é riancuru'ni, angkanna mancaji masiri pabbanuwana;

YEREMIA 49:1

Iyanaé napowada Puwangnge passalenna Amon, “Magi narisittai tanana suku Gad sibawa naonroi sining tau iya sompaéngngi Déwata Milkom? Aga dé'na gaga tau Israél iya weddingngé méwaiwi iyaro daéraé?

YEREMIA 49:18

Pékkugi Sodom sibawa Gomoro ripaccappu silaong désa-désaé ri seddéna, makkuwatoro Edom. Dé'na muwi séddi tau monrona matu kuwaro. Iyya, Puwang, pura mabbicara.

YEREMIA 49:33

Kariya-riyai matu Hazor untu' mannennungeng sibawa mancaji onrong massubbunna asu ale'é. Dé'na muwi séddi tau monro matu kuwaro. Iyya, Puwang, pura mabbicara.”

YEREMIA 50:40

Pada-pada Uwancuru'na Sodom sibawa Gomora silaong désa-désaé ri seddéna, makkuwatoro Iyya mancuru'i matu Babél. Dé'na muwi séddi tau monro matu kuwaro. Iyya, Puwang, pura mabbicara.

AMOS 1:13

Makkedai Puwangnge, “Makkolik-kolinni madosa bangsa Amongngé, rimakkuwannanaro pasti Uhukkungngi matu mennang. Wettunna mammusu untu' lowangiwi daérana, napuwé'i mennang babuwana sining makkunrai mattampu'é ri Giléad.

AMOS 2:1

Makedai Puwangnge, “Makkolik-kolinni madosa pabbanuwana Moab, rimakkuwannanaro pasti Uhukkungngi matu mennang. Napakatunai mennang arung Edom iya matéénnaro, sibawa nabongkara'na tampunna enrengngé malai buku-bukunna nanatunui mancaji awu.

ZEFANYA 2:14

Kuwaniro olokolo makkonrongngé sibawa sininna rupanna olokolo'é mallekku matu sibawa mappésau. Massarangngi matu kacoci'é ri sésa-sésa ruttungennaro sibawa gora-gora polé ri tello-tellongengngé. Kao-kaoé makkao-kaoi matu ri sumpangngé. Aju camaraé risining bangunanna kotaéro cappui matu riredduki.

ZEFANYA 2:7

Pabbanuwana Yéhuda iya mullééngngi leppe, natudangiwi matu daéramuro. Mampii matu mennang olokolo ri tanaéro, na ri wennié matinroi matu mennang risining bolana tau Askélongngé. Saba' Puwangnge, Allataalana mennang linrungiwi matu mennassi sibawa pancajiwi mennang madécéng paimeng.

ZEFANYA 3:13

Tau Israél iya risésaé mupa, dé'na matu napogau'i majaé muwi lao ri niga; dé'na matu nabbelléna sibawa dé'tona napabengnguwang. Madécéngngi matu mennang sibawa saléwangeng, sibawa dé' namétau lao ri nigi-nigi.”

ZAKHARIA 2:13

Ammekko manenno ri yolona Puwangnge! Nasaba joppani polé ri onrong Naonroiyé ri surugaé.

ABBILANGENG 14:21

Iyakiya majjancika ri alé-Ku sibawa nasaba Iyya iya tuwoé sibawa makuwasaé ri linoéwé,

ROMA 14:11

Ri laleng Kitta'é tarokii, Makkedai Puwangngé, “Sitongenna, tungke'-tungke' tau suju'i matu massompa ri yolo-Ku; sibawa tungke' tau mangakui matu makkedaé Iyya'na ritu Allataala.”

ULANGENG 29:22

Ri esso ri munri wija-wijammu sibawa tau laingngé ri wanuwa mabélaé mitai matu sining abalaé sibawa anrasa-rasang iya napapolé Puwangnge ri yasé'na wanuwammu.

ULANGENG 29:23

Sining dare'mu mancajiwi matu padang makabuttué tattongko balérang sibawa pejjé. Dé' nawedding ritanengi tanana sibawa wellaé dé' namaélo tuwo kuwaro. Wanuwammu sinrupai matu kota-kota Sodom sibawa Gomora, Adma sibawa Zéboim iya napaccappué Puwangnge wettunna malluwa-luwa cai-Na.