ZEFANYA 2:4 - KITTA KAREBA MADECENG

⁴ Ri kota Gaza dé' muwi séddi tau ripassalama matu. Askélon masino-sinoi matu dé' monroiwi. Pabbanuwana Asdod ripaddésu'i matu ri laleng séddié paggasa tennasenna-senna ri lakessoé sibawa pabbanuwana Ekron risuroi matu lao polé ri kotana.

ZEFANYA 2:4 ပူးပေါင်းရင်းမြစ်များ

MAZMUR 91:6

lao ri abala iya polé ri wettu mapettangngé, iyaré'ga ancurukeng iya pageppaé ri tangassoé.

YESAYA 14:29

Eh bangsa Filistin, tarasulu iya ripaké untu' tetté'ko mapoloni. Iyakiya aja' mumarennu, saba' rékko matéi sikajué ula, ula iya lebbi majaé polé sulléiwi, sibawa tello ulaé maddepparengngi naga makképannié.

YEREMIA 15:8

Wanuwammu pennoi matu sibawa janda, nacau kessié ri wiring tasi'é égana. Uwunoi matu sining tauwé ri wettu malolona angkanna manrasa-rasa indo'na mennang. Ri essoé Upapoléngengngi mennang séddi tau pabbinasa angkanna métau sibawa mausé.

YEREMIA 6:4

Makkedai matu mennang, “Ayo, sadiyano gasai Yérusalém! Laono mai tagasai iyaé essoé!” Iyakiya makkeda towi matu mennang, “Wah, matengnge'ni! Mammulani makalemmeng essoé, mammulani malampé wajo-wajoé.