ZAKHARIA 8:9 - KITTA KAREBA MADECENG

⁹ Makkedai Puwangnge lao ri umma'-Na, “Péwatangiwi atim-Mu! Makkekkuwangngé muwéngkalinga towi ada-ada iya puraé napowada sining nabié wettunna ripasang pandaménna, untu' patettongngi paimeng Bola-Ku.

ZAKHARIA 8:9 ပူးပေါင်းရင်းမြစ်များ

1 TAWARIKH 22:13

Rékko muturusiwi sininna hukkung nabbéréyangngé Puwangnge lao ri Musa untu' bangsa Israélié, papoléko matu wassélé. Harusu'ko mateppe sibawa barani. Aja' mumétau moloiwi muwi aga.

1 TAWARIKH 28:20

Nainappasi makkeda Arung Daud lao ri Salomo ana' worowanéna, “Harusu'ko mateppe sibawa barani. Pammulaini jama-jamangngéro sibawa aja' mumétau lao ri muwi aga. Puwang Allataala iya usompaé tulukko matu. Dé' nasalaiko matu. Naranrekko matu narapi tépu maneng iyaro jama-jamangngé.

2 TAWARIKH 15:7

Iyakiya harusu'ko sabbara sibawa barani. Papoléi wassélé matu usahamu.”

EZRA 6:14

Risokong ri nabi-nabi Hagai sibawa Zakharia, napatteruni sining pamimping Yahudié appatettongenna Bolana Puwang-ngéro. Napattépui masitta appatettongengngéro situru paréntana Allataalana Israélié sibawa paréntana Korésy, Darius sibawa Artahsasta, arung-ngarunna Persiaro.

YESAYA 35:3

Péwatangiwi lima iya malemmaé, pakkasse'i uttu iya kédo-kédoé.

YESAYA 35:4

Powadai lao ri iya marenni atié, “Pakkasse'i atimmu, aja' mumétau, poléi Allataalamu untu' hukkungngi balié, poléi untu' passalama'ko.”

HAGAI 1:1

Ri taung maduwaé apparéntanna Arung Darius ri yasé'na Persia, ri tanggala séddinna uleng maennengngé, mabbicarai Puwangnge naolai Nabi Hagai. Iyaro pasenna Puwangnge napattujui lao ri Zérubabél ana' Séaltiél, gubernurna Yéhuda, sibawa lao ri Imang Lompoé Yosua ana' Yozadak.

HAGAI 1:12

Nainappa Zérubabél sibawa Yosua enrengngé sininna umma Israél iya lisuénna polé ri appalirengngé ri Babél, turusiwi ada-adanna Hagai, surona Puwang-ngéro. Napogau'ni mennang aga iya napparéntangngé Puwangnge lao ri mennang, nasaba métaui lao ri Puwangnge.

HAGAI 2:18

Iyaé essoé, tanggala duwappulo eppa uleng aséra, purani ripasang pandaménna Bola-Ku! Pénessaiwi aga kajaiyang matu mappammulai essoéwé.

HAGAI 2:21

untu' ripalettu ri Gubernur Zérubabél. Adanna Puwangnge, “Dé'na namaitta Ugottangngi langié sibawa linoé,

ZAKHARIA 8:13

Eh pabbanuwana Yéhuda sibawa Israélié! Ri wettu iya labe'é, rékko sining tau laingngé sisulléi sitanro, makkedai mennang, ‘Tennapodo abala iya kennaéngngi Yéhuda sibawa Israélié kenna tokko!’ Iyakiya Upassalama'ko matu, angkanna sining tau laingngéro makkedai matu lao ri pada-padanna, ‘Tennapodo barakka iya nonnoé ri yasé'na Yéhuda sibawa Israélié, nonno towi ri alému!’ Rimakkuwannanaro péwatangini atimmu sibawa aja'na mumétau!”

ZAKHARIA 8:18

Puwang Iya Pommakuwasaé mabbéréyangngi iyaé pasengngéwé lao ri iyya untu' umma'-Na,

EFESUS 6:10

Paccappurenna, sitinajako mancaji mawatang sibawa awatangeng iya mulolongengngé polé ri akuwasanna Puwangngé, nasaba masséddiko sibawa Aléna.

2 TIMOTIUS 2:1

Timotius, ana'ku! Sitinajako mancaji mawatang nasaba pammasé iya nabbéréyangngé lao ri idi, nasaba masséddiki sibawa Kristus Yésus.

YOSUA 1:6

Sitinajako mateppe sibawa barani, saba' mupimpingngi matu iyaé bangsaé wettunna mennang tudangiwi wanuwa iya Uwajjanciyangngé lao ri néné-nénéna mennang.

YOSUA 1:8

Iyaro kitta hukkungngé harusu'ko tuli bacai lao ri umma'-Ku. Agguruiwi iyaro kitta'é esso sibawa wenni, kuwammengngi natuli mupogau'i sininna iya tarokié ri lalenna. Rékko mupogau'i sininnaro, madécéngngi matu atuwommu sibawa papolé wassélé.