ZAKHARIA 7:7 - KITTA KAREBA MADECENG

⁷ Iyanro napowada Puwangnge naolai nabi-nabié ri wettu labe'é wettunna Yérusalém riyonroi mupa sibawa madécéng pabbanuwana. Iyaro wettué tauwé dé' na ri désa-désaémmi bawang monro ri seddéna kotaé iyakiya mala ri bagiyang yattang sibawa ri pong bulué ri seddé yajang.

ZAKHARIA 7:7 ပူးပေါင်းရင်းမြစ်များ

YESAYA 55:3

Engkalingai, éh bangsa-Ku, laono ri Iyya, Uwérékko matu atuwong mannennungengngé. Nasaba pammasé sibawa atinulureng iya Uwajjanciyangngé lao ri Daud, siyoka janci mannennungeng sibawa iko.

YEREMIA 13:19

Kota-kotana Yéhuda ri bagiyang yattang mattengngang rikeppung, na dé'gaga mulléi bettui akkeppungengngéro. Sininna taunna Yéhuda riyakkani lao ri appalirengngé.”

YEREMIA 17:26

Poléi matu sining tauwé polé ri kota-kotana Yéhuda, sibawa polé ri désa-désa seddéna Yérusalém; poléi matu mennang ri daérana Bényamin, polé ri daéra ponna bulu-bulué, polé ri daéra bulué, sibawa polé ri Yéhuda bagiyang yattang. Tiwii matu mennang ri Bola-Ku olokolo akkarobangeng, muwi untu' ritunué iyaré'ga dé'é, makkuwatoro pakkasuwiyang gandong sibawa kamennyang enrengngé pakkasuwiyang sukkuru.

YEREMIA 22:21

Purana mabbicara ri iko wettunna makessing keadaammu, iyakiya dé' mumaélo méngkalingai. Mémeng makkuwairo ampé-ampému polé riyolo lettu makkekkuwangngé; dé' naengka mumaélo mapato lao ri Iyya.

YEREMIA 32:44

sure' angellinna ritékéngngi matu, riségélé, nenniya ripakkasse sibawa sabbi-sabbi. Iyaro kajajiyangngi matu ri daérana Bényamin, ri désa-désa ri seddéna Yérusalém, ri kota-kotana Yéhuda, ri kota-kotaé ri daéra bulué, ri daéra pong bulué, sibawa ri Yéhuda yattang. Iyaé bangsaé Upalisui matu keadaanna ri wanuwaéwé. Iyya, Puwang, pura mabbicara.”

YEREMIA 33:13

Ri kota-kotaé ri daéra bulué, ponna bulué, daérana Yéhuda yattang, sibawa ri daérana Bényamin enrengngé ri désa-désa ri seddéna Yérusalém, sibawa ri kota-kotana Yéhuda, sining pakkampié nabilassi matu paimeng sining bimbala'na mennang. Iyya, Puwang, pura mabbicara.”

YEREMIA 44:4

Matteru-teru-Ka kiringngi lao ri iko ata-atak-Ku sining nabié, iya mattéyangngéngngi mennang pogau'i ja iya ucéccéro.

YEREMIA 7:23

Banna uparéntangngi mennang untu' turusi-Ka kuwammengngi Umancaji Allataalana mennang, na mennang mancaji umma'-Ku. Usuroi mennang tuwo situru parénta-parénta-Ku kuwammengngi namasennang mennang.

YEREMIA 7:5

Pinrai atuwommu sibawa kédo-kédomu. Adélé'ko séddié lao ri laingngé.

ZAKHARIA 7:12

Napateddekiwi atinna mennang angkanna mancaji sittedde batué. Macai senna'-Ka nasaba dé' naturusiwi sining pappagguruwang iya puraé Uwabbéréyang lao ri mennang naolai nabi-nabié riyolo.

ZAKHARIA 7:6

Makkuwatoro wettunna mennang manré sibawa ménung, sappai mennang asennangeng riyalé.”

ZAKHARIA 7:8

Puwang Iya Pommakuwasaé mabbéréyangngi iyaé pasengngé lao ri iyya,

ULANGENG 34:3

bagiyang yattanna Yéhuda sibawa tanété iya mallebbangngé polé ri Zoar lao ri Yérikho, kota iya pennoé pong karoma.