ZAKHARIA 7:5 - KITTA KAREBA MADECENG

⁵ Adan-Na, “Palettu'i lao ri sininna pabbanuwana wanuwaéwé sibawa lao risining imangngé, makkedaé puwasaé sibawa awatingeng iya napogau'é mennang ri uleng malimaé sibawa mapitué ri laleng pituppuloé taungngéwé tenniya appakalebbireng untu' alé-Ku.

ZAKHARIA 7:5 ပူးပေါင်းရင်းမြစ်များ

ZAKHARIA 1:12

Nainappa makkeda iyaro malaéka'é, “Puwang Iya Pommakuwasaé, pituppulo taung ittana macaiko lao ri Yérusalém sibawa kota-kotaé lao ri Yéhuda. Gangka kégi tette'-Ko matu macai sibawa dé' muwaddampengengngi mennang?”

1 KORINTUS 10:31

Muwi aga napogau' Saudara – manréi Saudara iyaré'ga ménungngi – pogau'i iya manennaro untu' pakalebbii Allataala.

ZAKHARIA 7:6

Makkuwatoro wettunna mennang manré sibawa ménung, sappai mennang asennangeng riyalé.”

ZAKHARIA 7:3

Risuro towi mennang makkutana lao ri imang-ngimangngé sibawa sining nabié, makkuwaé, “Parellu mupi'ga mpatingiwi Bolana Puwangnge sibawa mappuwasa ri tungke' uleng malimaé pada-pada iya puraé ripogau' mattaut-taung ittana?”

KOLOSE 3:23

Muwi jama-jamang aga riwérékko, sitinajako sibawa sukku atimmu pada-pada rékko samanna Puwangngé ritu mutumaningi na tenniya bawang tolinoé.

2 KORINTUS 5:15

Matéi Kristus untu' sininna tauwé, kuwammengngi nasining tau iya tuwoé, dé'na natuwo untu' aléna bawang, sangadinna untu' Kristus iya puraé maté sibawa ripatuwo paimeng untu' apentingenna mennang.

MATIUS 23:5

Sininna napogau'é mennang banna untu' naita tauwé bawang. Nattungka mennang paké tulu sempajang iya malebba'é sibawa palampériwi jombé-jombé jumbana mennang!

MATIUS 6:16

“Rékko mappuwasako aja' mupajjameru'i rupammu pada-pada tau iya pojiyéngngi majjaiwi. Napinrai mennang rupanna kuwammengngi sininna tauwé naissengngi makkedaé mappuwasai mennang. Engngerangngi, iyanaro sarona pura natarima mennang.

MATIUS 6:5

“Rékko massempajakko, aja' mupada pada tau iya majjaiyéngngi. Napoji mennang massempajang sibawa tettong ri bola assompangngé enrengngé ri pékka lalengngé kuwammengngi nariita ri tauwé. Engngerangngi iyanaro sarona natarima mennang.

MATIUS 6:2

Jaji rékko mabbéréko sidekka ri tau kasiyasié, aja' mugora-gorangngi iyaro gau'é pada-pada iya napogau'é sining munapé'é. Napoji mennang pogau'i iyaro ri laleng bola assompangngé sibawa ri watattanaé, kuwammengngi naripoji ri tauwé. Engngerangngi purani mennang natarima sarona.

ZAKHARIA 8:19

“Puwasa iya ripogau'é ri laleng uleng iya maeppaé, malimaé, mapitué, sibawa maseppuloé mancajiwi matu ramé-ramé iya pennoé arennuwang sibawa asennangeng untu' pabbanuwana Yéhuda. Eloriwi atongengengngé sibawa adaméngengngé!”

YEREMIA 25:11

Uleppessangngi matu ancuru sininna wanuwaéwé sibawa mancaji masino-sino. Bangsa-bangsaé ri seddéna mattumaniwi matu lao ri arung Babél pituppulo taung ittana.

2 ARUNG-NGARUNG 25:23

Wettunna sining parawira sibawa prajuri'na Yéhuda iya dé'é namanyara lao ri Babél naéngkalinga passalenna angakkarengngéro, lao manenni ri Gedalya ri Mizpa. Iyaro sining parawiraé iyanaritu Ismaél ana' Nétanya, Yohanan ana' Karéah, Séraya ana' Tanhumét polé ri kota Nétofa, sibawa Yazanya polé ri kota Maakha.

YESAYA 43:23

Dé' mutiwi bimbala untu' akkarobangeng ritunummu, dé' mupakalebbi-Ka sibawa pakkasiwiyamu. Padahal dé' Upatiwiriko sibawa akkarobangeng, iyaré'ga sussaiko sibawa tuntu kamennyang.

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

YEREMIA 29:10

Makkedai Puwangnge, ‘Rékko genne'ni wettunna pituppulo taung untu' Babél, Ujampangisiko matu, sibawa rupaiwi jancik-Ku untu' tiwiko lisu ri onrongngéwé.

YEREMIA 52:12

Ri tanggala seppulona uleng lima ri laleng taung maseppuloé aséra apparéntanna Nébukadnézar arung Babél, laoni ri Yérusalém séddi tau riyasengngé Nébuzaradan. Aléna iyanaritu pappangajana sibawa kapala pengawal paribadinna Nébukadnézar.

HOSEA 7:14

Dé' nattonget-tongeng massempajang lao ri Iyya. Rékko massempajangngi mennang, naggeppuwangngi aléna ri onrong atinrongngé, sibawa mpating pada-pada iya napogau'é sining tau iya dé'é namateppe lao ri Iyya. Narékko massempajangngi mennang untu' méllau gandong sibawa anggoro, naloi mennang aléna pada-pada iya napogau'é sining tau iya massompaé déwata. Tonget-tongengngi mennang naéwa-Ka!

ZAKHARIA 7:4

Iyanaé pasenna Puwangnge iya laowé ri iyya.

2 ARUNG-NGARUNG 25:25

Iyakiya ri uleng mapitué taungngéro Ismaél ana' Nétanya sibawa eppona Elisama iya wija-wijanna arungngé mupa, laowi silaong 10 tau ri Mizpa. Nagasai mennang sibawa naunoi Gedalya silaong tau Yéhudaé sibawa tau Babél iya engkaé silaong Gedalya kuwaro.