ZAKHARIA 7:3 - KITTA KAREBA MADECENG

³ Risuro towi mennang makkutana lao ri imang-ngimangngé sibawa sining nabié, makkuwaé, “Parellu mupi'ga mpatingiwi Bolana Puwangnge sibawa mappuwasa ri tungke' uleng malimaé pada-pada iya puraé ripogau' mattaut-taung ittana?”

ZAKHARIA 7:3 ပူးပေါင်းရင်းမြစ်များ

EZRA 3:10

Wettunna pajjama-jama bangunangngé mappammula pasangngi pandaménna Bolana Puwangnge, sining imangngé mappaké jumba sibawa makkatenning tarompé mala onrong tungke'-tungke'. Sining tau Léwi polé ri appang Asaf tettong toni kuwaro sibawa makkatenning gong baiccu. Napoji-pojini mennang Puwangnge situru sibawa peraturang iya puraé ripattette sipongenna Arung Daud.

PAKKATOBBA 3:4

Allataala pattentui wettu untu' teri sibawa wettu untu' macawa, wettu untu' mpating sibawa wettu untu' séré-séré,

HOSEA 4:6

Iko, sining imangngé, dé' mupaduli-Ka, na umma'-Ku dé'to napaduli-Ka angkanna macilaka mennang. Musampéyangngi sining pappagguruwak-Ku. Jaji, Usampéyang tokko matu, sibawa ana'-ana'mu dé' Uwangakuiwi matu selaku imang-ngimak-Ku.

YOEL 2:17

Suroi sining imang iya tumaningiyéngngi Puwangnge, teri ri pallawangenna mézbaé sibawa légo-légo ri yoloé, namakkedato, “Eloriwi umma'-Mu, oh Puwang; aja' taleppessangngi umma'-Mu mancaji matuna,” angkanna massindiri sibawa makkeda bangsa-bangsa laingngé, “Kégani Allataalana mennang?”

HAGAI 2:11

Adan-Na, “Ellauwi apettunna sining imangngé passalenna persoalangngéwé:

ZAKHARIA 7:4

Iyanaé pasenna Puwangnge iya laowé ri iyya.

ZAKHARIA 7:5

Adan-Na, “Palettu'i lao ri sininna pabbanuwana wanuwaéwé sibawa lao risining imangngé, makkedaé puwasaé sibawa awatingeng iya napogau'é mennang ri uleng malimaé sibawa mapitué ri laleng pituppuloé taungngéwé tenniya appakalebbireng untu' alé-Ku.

ZAKHARIA 8:19

“Puwasa iya ripogau'é ri laleng uleng iya maeppaé, malimaé, mapitué, sibawa maseppuloé mancajiwi matu ramé-ramé iya pennoé arennuwang sibawa asennangeng untu' pabbanuwana Yéhuda. Eloriwi atongengengngé sibawa adaméngengngé!”

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

MATIUS 9:15

Nappébali Yésus, “Pékkugi pallolongemmu? Weddigga sining undangengngé ri abottingengngé tassinnau atinna rékko engka mupi bottimpurané silaong mennang? Tentu dé'! Iyakiya engka matu narapii wettunna nariyala iyaro bottimpurané polé ri mennang. Ri wettuénnaro nainappa mappuwasa mennang.

1 KORINTUS 7:5

Aja' muwabélaiwi séddié lao ri laingngé selaku mallaibinéngeng. Wedding muwa untu' cinampe', assaleng sipadduwano pada-pada situjuiwi. Nanallalengiro tungke'-tungke' weddingngi massempajang sibawa dé' nariganggu. Iyakiya ri munri, harusu'ko lisu sisullé siyaddeppéri selaku mallaibinéngeng. Rékko dé' nakkuwaro, weddingngi matti muwaccowériwi pappalécéna sétangngé, nasaba dé' mumatedde tahangngi napessunna.

ULANGENG 33:10

Napaggurui mennang umma'-Mu turusiwi sininna parénta-Mu sibawa makkasuwiyangengngi akkarobangengngé ri yasé'na mézba-Mu.