ZAKHARIA 7:2 - KITTA KAREBA MADECENG

² Pabbanuwana Bétel pura suroi Sarézer sibawa Régém-Mélék enrengngé ana' buwana lao ri Bolana Puwang Iya Pommakuwasaé untu' méllauwi barakka'-Na.

ZAKHARIA 7:2 ပူးပေါင်းရင်းမြစ်များ

1 ARUNG-NGARUNG 13:6

Namakkedana Arung Yérobéam lao ri nabiéro, “Tulunna muwassempajangekka ri Puwang Allataalamu. Ellauni paressé babuwa-Na untu' pajjappai taiyyaku!” Namassempajanna iyaro nabié lao ri Puwangnge, namajjappana taiyyana arungngé.

EZRA 6:10

Pogau' manengngi iyaro kuwammengngi naulléi mennang makkasuwiyangeng akkarobangeng iya pésennangiyéngngi Allataala makuwasaé ri surugaé, sibawa kuwammengngi naéllaungekka barakka sibawa sining ana' worowanéku.

ASSURENG 32:11

Naéllauni Musa ri Puwang Allataalana, adanna, “Puwang, magi Muharusu pogau'i makkuwaéro lao ri mennang? Tenniyaga Iko pura passalama'i mennang polé ri Maséré sibawa akuwasang nenniya awatangeng iya battowaé?

YESAYA 60:7

Bémbé bimbala'na Kédar ritiwii lao ri iko bimbala lai polé ri Nébayot tassadiyai untu' assompammu. Iyaro akkarobangengngé pésennangiwi atinna Puwangnge Napattappai Bola-Na iya pennoé arajang.

YEREMIA 26:19

Iyakiya Arung Hizkia sibawa tau Yéhudaé dé' naunoi Mikha. Mala métaui Hizkia lao ri Puwangnge sibawa méllau riyamaséi. Nanagettenni paimeng Puwangnge ancaman-Na untu' cilakaiwi mennang. Na makekkuwangngé, céddé'ki idi'é papoléngengngi acilakang battowa aléta.”

ZAKHARIA 6:10

Adan-Na, “Alani pakkasuwiyang iya nabbéréyangngé Héldai, Tobia sibawa Yédaya, iyanaritu sining tau iya nappa lisué polé ri appalirengngé ri Babél. Tiwini masitta pakkasuwiyanna mennanro ri bolana Yosia ana' Zéfanya.

ZAKHARIA 8:21

Pabbanuwa polé ri kota iya séddié makkedai matu lao ri pabbanuwa kota laingngé, ‘Laono mai talao sompai Puwang Iya Pommakuwasaé sibawa méllauwi barakka'-Na. Accowéno ri idi!’

1 SAMUEL 13:12

Na pikkiri'ku, ajakké tentara Filistingngé tappa nagasaka kuwaé ri Gilgal, padahal dé'pa uwéllauwi paressé babuwana Puwangnge. Rimakkuwannanaro malaka apettung untu' makkasuwiyangengngi akkarobangengngéro.”