ZAKHARIA 13:3 - KITTA KAREBA MADECENG

³ Narékko engka mupa tau makkeda makkedaé palettu'i paseng, ambo' indo'na muto powadangngi matu makkedaé harusu'i rihukkung maté, saba' iya napowadaé iyanaritu bellé. Rékko tette'i nangakui aléna selaku nabito, rigajangngi matu gangka maté ri ambo'na sibawa indo'na muto.

ZAKHARIA 13:3 ပူးပေါင်းရင်းမြစ်များ

YEREMIA 23:25

Sininna iya napowadaé iyaro nabi-nabié Uwissenni. Mabbelléi mennang ri laleng asek-Ku makkedaé purai natarima pasek-Ku naola nippi.

YEREMIA 23:34

Rékko sala séddinna polé ri umma'-Ku iyaré'ga nabi iyaré'ga imang mabbicara mupi passalenna ‘tiwina Puwangnge’, Uhukkungngi matu aléna sibawa kaluwargana.

YEREMIA 28:15

Iya manennaro upalettu'i lao ri Hananya, nainappa makkedasika, “Engkalingai, éh Hananya! Dé' nasuroko Puwangnge; purani muwébbu iyaé bangsaé mateppe lao ri ada bellé.

YEHEZKIEL 13:23

Makkekkuwangngé maccappa'ni sining pakkitang bellé sibawa sining boto bellému. Upassalama'i umma'-Ku polé ri pangaru majamu. Namuwissengngi makkedaé Iyya ritu Puwang.”

YEHEZKIEL 14:9

Rékko séddié nabi purani ribengnguwang angkanna mabbéré pappébali iya salaé, Iyya ritu pura belléi. Iyya, Puwang Allataala Iya Pommatanré passalai matu polé risining tau Israélié.

YEHEZKIEL 43:7

“Eh tolino dé'é namannennungeng, iyanaé kadéra arajak-Ku. Kuwaniyé maélo-Ka monro ri tengnga-tengngana umma'-Ku Israélié sibawa paréntai mennang mannennungeng. Muwi mennang, iyaré'ga arung-ngarunna, dé'na nacarépaiwi matu asek-Ku iya mapaccingngé sibawa massompa barahala iyaré'ga kuburu'i ujuna arung-ngarunna mennang ri onrongngéwé.

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

LUKAS 14:26

“Rékko poléi tauwé ri Iyya, iyakiya lebbi namaséiwi indo'na, ambo'na, bainéna, ana'-ana'na, silessu-silessurenna, mala alénato, dé' nawedding mancaji ana' guruk-Ku.

2 KORINTUS 5:16

Rimakkuwannanaro, dé'na taangke'i tauwé situru ukkurang tolinoé. Mémeng engka naengka nariyangke Kristus polé ri tolinona, iyakiya makkekkuwangngé dé'na.

ULANGENG 18:20

Iyakiya rékko séddié nabi barani palettu séuwa paseng ri laleng asek-Ku padahal dé' Usuroi pogau'i makkuwaéro, harusu'i maté; makkuwatoro tungke' nabi iya mabbicaraé ri laleng asenna déwata-déwata laingngé harusu'i maté.’

ULANGENG 33:9

Matinului mennang lao ri Iko pakacauriwi sini-sininnaé, napakacauri tomatowaé sibawa sumpuloloé. Parénta-parénta-Mu naturusiwi mennang, assijancim-Mu narupaiwi mennang.