ZAKHARIA 11:1 - KITTA KAREBA MADECENG

¹ Eh Libanon, timpa'i sining tange'mu, kuwammengngi natunui api sining pong arasmu!

ZAKHARIA 11:1 ပူးပေါင်းရင်းမြစ်များ

YEREMIA 22:23

Monroko sibawa amang riyattulilingi alliri-alliri camara Libanon, iyakiya matti narékko nakennako peddi, manrasa-rasako matu pada-pada makkunrai iya mattengngangngé mémmana.”

ZAKHARIA 10:10

Polé ri Maséré sibawa Asyur, Upalisui matu mennang. Utaroi matu mennang ri wanuwanna muto. Utiwii matu mennang ri Giléad sibawato Libanon, angkanna pennoi sininna wanuwaé sibawa mennang.

HAGAI 1:8

Makkekkuwangngé, énré'no ri bulu-bulué untu' mala aju, nainappa mupatettong Bola-Ku; naumasennang matu sibawa risompasi-Ka matu pékkugi mestinna. Cobai pénessaiwi keadaammu!

HABAKUK 2:17

Tubbakko ajukajung ri ale Libanon, na makkekkuwangngé alému ritubbang matu. Muwunoi sining olokolo'na, na makkekkuwangngé napéttauriko olokolo'é. Iya manennaro kajajiyangngi nasaba abbunowang sibawa ajapperuseng iya puraé mupogau' lao risining wanuwaé, kota-kotaé sibawa sining pabbanuwana.

HABAKUK 2:8

Purani murampo maéga bangsa, iyakiya bangsa-bangsa iya mullééngngi leppe narampo'ko matu, nasaba abbunowang iya puraé mupogau', sibawa nasaba apéddarammu lao ri wanuwa-wanuwaé, kota-kotaé sibawa pabbanuwana.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.

YEHEZKIEL 31:3

Pada-padako camara Libanon iya magaggaé penno takké iya maworongngé sibawa magello. Malempu batanna sibawa maluru narapi ellungngé coppo'na.

ZAKHARIA 11:2

Eh pong daru, mpatinno, nasaba maléttunni sining pong camaraé, rebbani pong iya héba'é. Eh sining pong battowaé ri Basan, terino. Saba' malappani pura wéle' sining ale malowangngé.

ZAKHARIA 12:6

Iyaro essoé Upancajiwi matu kaluwarga-kaluwarga Yéhudaé pada-pada apié ri laleng goppo aju tunungngé iyaré'ga sulo malluwa'é ri yawana wessé-wessé gandongngé; napabbinasai matu mennang bangsa-bangsaé ri mattulilinna. Iyakiya pabbanuwana Yérusalém tette'i matu monro ri laleng kotaé sibawa amang.