ZAKHARIA 1:8 - KITTA KAREBA MADECENG

⁸ uwitai malaéka'na Puwangnge tonangi si kaju anyarang cella. Mappésauwi ri séddié lompo ri yelle'na ajukajung murad-é. Ri monrinna tentongngi siyagangngaré kajunna anyarang iya laingngé, engka macella, engka balibi sibawa tembaga.

ZAKHARIA 1:8 ပူးပေါင်းရင်းမြစ်များ

WAHYU 6:4

Nainappa sikaju anyarang iya laingngé massusi. Iyaro anyarangngé macella mabbara bulunna. Tau iya tonangiyéngngi riwéréngngi akuwasang untu' pallennye'i keadaang damé polé ri linoé, kuwammengngi nasisullé siyuno rupa tauwé. Nariwérénna sipeppa peddang iya battowaé.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

YESAYA 55:13

Aju camaraé sulléiwi matu alekale maddorié, tanet-taneng bungaé sulléiwi alekale'é. Kajajiyangngi iyaro kuwammengngi naripakalabba-Ka; selaku tanrang mannennungeng iya dé'é nateddéng.”

YESAYA 41:19

Utanengiwi matu pong camara padang kessi'é, pong zaitun, pong murad sibawa pong akasia. Padang makkale-ale'é Upancajiwi matu ale, ale camara, berangang sibawa ajuwanging.

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

DANIEL 2:19

Iyatoro wennié nappaissengengngi Allataala rahasiyaéro lao ri Daniél ri laleng séuwa pakkitang. Nanapojini Daniél Allataala ri surugaé,

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

AYUB 4:13

Tagganggui tinroku sibawa ripaddésu ri aléna, pada-pada mannippi majaé ri wenni makalemmengngé.

1 ARUNG-NGARUNG 3:5

Iyaro wennié nappaitangngi aléna Puwangnge ri aléna ri laleng nippi sibawa makkeda, “Salomo, éllauni aga muwacinnai, iyaro uwérékko matu!”

YOSUA 5:13

Riséuwaé wettu engkai Yosua ri seddéna Yérikho. Tennasenna-sennana naitai séddi tau worowané tettong ri yolona sibawa peddang pura rampu. Naddeppérini Yosua iyaro tauwé, namakkeda, “Rangekkoga, iyaré'ga bali?”

KAJAJIYANG 20:3

Riséuwaé wenni nappaitangngi Allataala aléna lao ri arungngéro ri laleng nippi, sibawa makkeda, “Matéko matu, nasaba purai muwala iyaro makkunraié; saba' purani mallakkai.”

ELONG MARAJA 6:2

Laowi canrikku ri palla'na, ri palla rampa-rampaé untu' mampii sining bimbala'na ri palla'é, sibawa céppu bunga-bunga bakung.

ELONG MARAJA 2:16

Appunnangekkui canrikku, sibawa iyya appunnangennai; naampii sining bimbala'na ri yelle'na bunga-bunga bakungngé

WAHYU 6:2

Nauwakkita, nainappa paita sikaju anyarang puté. Tau iya tonangiyéngngi makkatenningngi séddi pana, sibawa ri aléna riwéréngngi séddi passigera'. Majui selaku séddi tau pakala iya laowé untu' pakala.

NEHEMIA 8:15

Rimakkuwannanaro ri sininna Yérusalém ri kota-kotaé sibawa ri désa-désaé, nappallebbangengngi paréntaéwé, “Laono ri bulué sibawa mala takké-takké aju camara, zaitun, aju minnya, pattuku sibawa aju-kajung laingngé untu' mébbu kalampang situru sibawa peraturangngé ri laleng Kitta Hukkungngé.”

ZAKHARIA 1:7

Ri tanggala duwappulona eppa uleng Syébat, iyanaritu uleng seppulo séddi, ri laleng taung maduwaé apparéntanna Arung Darius, napalettu'i Puwangnge pasen-Na lao ri iyya. Ri laleng séuwaé pakkitang ri wennié,

ZAKHARIA 1:10

Rikiringngi mennang ri Puwangnge untu' paréssai linoé.”

ZAKHARIA 1:11

Iya manenna anyarangngéro nalaporo'i lao ri malaéka'é, “Purani rijalajja sininna linoé, annessana iyaé linoé tennanni sibawa amang.”

KAJAJIYANG 46:2

Ri laleng séuwa pakkitang ri wennié, makkedai Allataala lao ri aléna, “Yakub, Yakub!” “Iyyé Puwang,” pappébalinna.

ABBILANGENG 12:6

namakkeda Puwangnge, “Engkalingai iyaé ada-adak-Ku! Rékko engka séddi nabi ri yelle'mu, Uwappaddissengengngi alé-Ku lao ri aléna ri laleng pakkitang-pakkitangngé nenniya mabbicaraka sibawa aléna ri laleng nippi.