ZAKHARIA 1:4 - KITTA KAREBA MADECENG

⁴ Aja' mupada-pada néné-nénému. Riyolo napalettu'i sining nabié pasek-Ku lao ri mennang kuwammengngi aja'na mennang napogau'i majaé sibawa pogau' dosa. Iyakiya dé' mennang napaduliwi sibawa dé' namaélo turu lao ri Iyya.

ZAKHARIA 1:4 ပူးပေါင်းရင်းမြစ်များ

2 TAWARIKH 30:6

Nasaba paréntana arungngé sibawa sining pegawénna rikirinni sining suroé lao ri sininna Yéhuda sibawa Israél untu' tiwii sining sure'éro iya oninnaé makkuwaé, “Ra'ya' Israélié! Leppe'no polé ri akuwasanna tau Asyur-é. Makkekkuwangngé sitinajano lisu mattumani ri Puwangnge, Allataala iya nasompaé Abraham, Ishak sibawa Yakub, kuwammengngi nalisuto tulukko.

2 TAWARIKH 30:7

Aja' mupada-pada toriyolomu sibawa sining tau Israél iya laingngé iya dé'é namatinulu lao ri Puwang Allataalana mennang. Alému pura mitai pékkugi tane'na pura nahukkung mennang.

2 TAWARIKH 34:21

“Laono makkutanangekka ri Puwangnge sibawa untu' sining tau iya engkaé mupa ri Israél sibawa Yéhuda passalenna lise'na kitta'éwé. Macayii Puwangnge lao ri idi nasaba dé' napajoppai toriyolota sining parénta iya tarokié ri lalenna.”

EZRA 9:7

Mappammulai toriyolota lettu makkekkuwangngé, idi umma'-Mu madosaki lao ri Iko. Iyanaro saba'na idi, sining arungngé enrengngé sining imatta ricaui risining arung laingngé. Riyunoki, rirampo sibawa ritiwi selaku tawangeng. Purani' ripakatuna temmappettu, pada-pada keadaanna essoéwé.

NEHEMIA 9:16

Iyakiya toriyolota matempoi sibawa matedde ati; dé' naturusiwi sining parénta-Mu.

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

MAZMUR 78:8

kuwammengngi mennang dé' napada néné-nénéna iya pojiyéngngi maronta sibawa madoraka; abbatireng iya kaléwa'-léwa'é teppe'na, sibawa dé' namatinulu lao ri Allataala.

YESAYA 31:6

Makkedai Puwangnge, “Bangsa Israélié, pura-Ka muéwa sibawa madosa lao ri Iyya. Iyakiya makkekkuwangngé, lisuno ri alé-Ku!

YEREMIA 18:11

Makkedai Puwangnge lao ri iyya, “Makkekkuwangngé, powadai lao risining tau Yéhudaé sibawa pabbanuwana Yérusalém makkedaé mattengngak-Ka mébbu rancana untu' méwai mennang, sibawa passadiya pahukkungeng untu' mennang. Suroi mennang pappésauwi cara atuwonna mennang iya madosaéro enrengngé pédécéngiwi kédo-kédona sibawa pangkaukenna mennang.

YEREMIA 23:22

Akkalarapanna naissengngi mennang aga iya tattampu'é ri laleng pikkirak-Ku, tentu purani mennang napalettu lao ri umma'-Ku sininna iya puraé Upowada. Natoba' matu umma'-Ku polé ri dosa-dosana sibawa ampé-ampéna iya majaé.

YEREMIA 25:8

Nasaba dé' mumaélo méngkalingai ada-adan-Na, namakkeda Puwang Iya Pommakuwasaé,

YEREMIA 26:5

Harusu tokko méngkalingai aga napowada ata-atak-Ku, sining nabi iya matteru-terué Usuro lao ri iko. Iyakiya dé' mumaélo méngkalingai mennang.

YEREMIA 3:12

Nasuroka Puwangnge lao untu' powadai gau'éwé lao ri Israélié: “Eh Israél iya dé'é namatinulu, lisuno ri alé-Ku! Pennoka paressé babuwa sibawa dé' umatteru-teru matu macai lao ri alému.

YEREMIA 3:14

Makkedai Puwangnge, “Eh umma iya dé'é namatinulu, lisuno ri Iyya! Iko ritu appunnangek-Ku. Maélo-Ka malako, séddi tau polé ri tungke kota, duwa tau polé ri tungke appang, sibawa tiwiko lisu lao ri Bulu Sion.

YEREMIA 35:15

Matteru-teru-Ka suroi lao ri iko maneng atak-Ku sining nabié, napurani mennang napangajariko untu' pédécéngiwi ampé-ampému sibawa mappésau pogau'i majaé. Naparéngngerangiko mennang untu' dé' mumassompa déwata-déwata laing sibawa dé' mumattumani lao ri mennang, kuwammengngi weddikko matteru monro ri wanuwaéwé iya puraé Uwabbéréyang lao ri iko sibawa lao ri toriyolomu. Iyakiya dé' mumaélo jampangiwi sibawa dé' mumaélo méngkalinga-Ka.

YEREMIA 4:1

Makkedai Puwangnge, “Umma Israélié, rékko maéloko lisu, lisuno ri Iyya. Abbéyangngi riyolo barahala-barahala iya Ucéccéro, sibawa atinuluno lao ri Iyya.

YEREMIA 44:16

“Dé' tamaélo méngkalingai aga iya mupowadaé lao ri idi ri laleng asenna Puwangnge.

YEHEZKIEL 14:6

Paissengi towi tau Israélié makkedaé Iyya, Puwang Iya Pommatanré makkeda lao ri mennang, ‘Toba'no polé ri dosa-dosamu, namusalaiwi sining barahalamu iya mappakaciddi-ciddi'éro.’

YEHEZKIEL 20:18

Sibalé'na sining tau maloloé ri yelle'na mennang, Upangajariwi makkuwaé, ‘Aja' muwaccowériwi sining peraturang iya naébbué néné-nénému. Aja' muturui abiyasanna mennang sibawa aja'to mupanajisi'i alému sibawa sompai sining barahalana.

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

YEHEZKIEL 33:4

Nigi-nigi méngkalingai tanrang bahayaéro iyakiya dé' nabati-batiwi, napolé balié nainappa naunoi, matéi nasaba asalanna muto. Akkalarapanna nabati-batiwi iyaro tanrang bahayaé, pasti naulléi salama.

DANIEL 9:6

Dé' taéngkalingai sining nabié, ata-atam-Muro, iya puraé mabbicara ri laleng asem-Mu lao risining arutta, lao risining pamimpingngé, sining toriyolota sibawa lao ri sininna bangsata.

HOSEA 14:1

Harusu'i rihukkung Samaria nasaba maronta'i méwa-Ka. Matéi matu ra'ya'na ri laleng ammusurengngé; rilélui matu ana'-ana'lolona, sibawa sining makkunrai mattampu'é ripuwé'i babuwana.”

AMOS 5:24

Lebbi kessing muwi makkuragano kuwammengngi nassolo adélékengngé pada-pada uwai, sibawa alempurengngé pada-pada salo iya dé'é naengka namarakko.

MIKHA 2:6

Sining tau iya makkatobbaé lao ri iyya, adanna, “Aja' muwakkatobba lao ri idi. Aja' muwakkatobba passalenna iya manennaro. Dé' tamasiri matu.

ZAKHARIA 1:3

Iyakiya makkekkuwangngé makkeda-Ka lao ri iko: Lisuno lao ri Iyya, naulisuto lao ri iko.

ZAKHARIA 7:7

Iyanro napowada Puwangnge naolai nabi-nabié ri wettu labe'é wettunna Yérusalém riyonroi mupa sibawa madécéng pabbanuwana. Iyaro wettué tauwé dé' na ri désa-désaémmi bawang monro ri seddéna kotaé iyakiya mala ri bagiyang yattang sibawa ri pong bulué ri seddé yajang.

RIWAYA'NA RASUL-RASUL-E 26:20

Terus terakka powadangngi sining tauwé makkedaé harusu'i mennang toba' polé ri dosa-dosana sibawa mabbéréyangngi aléna lao ri Allataala enrengngé mappaitangngi ri laleng atuwo-tuwonna mennang makkedaé toba'ni mennang polé ri dosa-dosana. Upowadangngi iyaro gau'é bunge'-bunge'na ri Damsyik, nainappa ri Yérusalém sibawa sininna Yudéa sibawa ri yelle'na tau tenniyaé Yahudi.

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

1 PETRUS 1:18

Muwisseng aga iya puraé nakkamajareng untu' paleppe'ko polé ri atuwong iya siya-siyaé iya nappammanarengngé néné-nénému. Pakkamajana tenniya séuwa iya weddingngé masolang pada-pada péra'é iyaré'ga ulawengngé,