ZAKHARIA 1:3 - KITTA KAREBA MADECENG

³ Iyakiya makkekkuwangngé makkeda-Ka lao ri iko: Lisuno lao ri Iyya, naulisuto lao ri iko.

ZAKHARIA 1:3 ပူးပေါင်းရင်းမြစ်များ

2 TAWARIKH 15:2

angkanna lao méwai sita Arung Asa, sibawa makkeda, “Eh Arung Asa, silaong sininna pabbanuwana Yéhuda nenniya Bényamin! Engkalingai! Macawé'i Puwangnge ri iko rékko macawé'ko ri Aléna. Rékko muwéllauwi panunju'na Puwangnge, Nawérékko matu. Iyakiya rékko dé' mubati-batiwi, dé'to nabati-batiko.

2 TAWARIKH 15:4

Iyakiya wettunna ri laleng asukkarakengngé, méllau tulungngi mennang ri Puwangnge, Allataalana Israélié. Naéllauwi mennang panunju'-Na sibawa mabbéréyangngi.

NEHEMIA 9:28

Iyakiya wettunna amassi wanuwanna, masitta'i mennang madosa paimeng. Na-Muwabbéréyangngi mennang paimeng lao ri bali iya tenre'éngngi. Iyakiya wettunna mennang mainge sibawa penno sessekalé, mangobbii mennang lao ri Iko méllauwi ripassalama. Na polé ri surugaé Muwéngkalingai, sibawa Mutulungngi makkolik-koling, saba' messé babuwa-Ko lao ri mennang sibawa masero pappoji.

AYUB 22:23

Lisuno ri Puwangnge sibawa ati mariyawa jaé ri bolana sitinajani mupappésau.

YESAYA 31:6

Makkedai Puwangnge, “Bangsa Israélié, pura-Ka muéwa sibawa madosa lao ri Iyya. Iyakiya makkekkuwangngé, lisuno ri alé-Ku!

YESAYA 44:22

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

YEREMIA 12:15

Iyakiya purana Upassu mennang, Uwamaséisi matu mennang; tungke bangsaé Utiwii matu lisu ri wanuwanna muto.

YEREMIA 25:5

Nasuroko salaiwi cara atuwommu iya majaé, sibawa sining pangkaukemmu iya madosaé, kuwammengngi naweddikko tette monro ri wanuwaéwé iya puraé nabbéréyang Puwangnge lao ri iko sibawa lao ri toriyolomu selaku appunangeng mana.

YEREMIA 3:1

Makkedai Puwangnge, “Rékko séddié bainé ritelle ri lakkainna, nainappa iyaro makkunraié mancaji bainéna tau laingngé, poro lakkainna dé' nawedding malai paimeng selaku bainéna, saba' iyaro gau'é nasolangiwi iyaé wanuwaé. Iko Israélié, mappunnaino maéga senna canring, masa makkekkuwangngé maéloko lisu lao ri Iyya!

YEREMIA 3:22

Eh iko maneng iya salaénni Puwangnge, lisuno! Maéloi pajjappako, sibawa pancajiko matinulu. Makkedako, “Ya, makkekkuwangngé poléni ri idi Puwang, saba' Aléna Allataalata.

YEREMIA 35:15

Matteru-teru-Ka suroi lao ri iko maneng atak-Ku sining nabié, napurani mennang napangajariko untu' pédécéngiwi ampé-ampému sibawa mappésau pogau'i majaé. Naparéngngerangiko mennang untu' dé' mumassompa déwata-déwata laing sibawa dé' mumattumani lao ri mennang, kuwammengngi weddikko matteru monro ri wanuwaéwé iya puraé Uwabbéréyang lao ri iko sibawa lao ri toriyolomu. Iyakiya dé' mumaélo jampangiwi sibawa dé' mumaélo méngkalinga-Ka.

YEREMIA 4:1

Makkedai Puwangnge, “Umma Israélié, rékko maéloko lisu, lisuno ri Iyya. Abbéyangngi riyolo barahala-barahala iya Ucéccéro, sibawa atinuluno lao ri Iyya.

YEHEZKIEL 18:19

Iyakiya naullé engka tau makkutana magi na iyaro ana'é dé' naccowé tanggungngi addimonrinna dosa-dosana ambo'na. Pappébalinna iyanaritu, nasaba iyaro ana'é makessingngi sibawa malempui. Naturusiwi hukkung-hukkuk-Ku sibawa pogau'i sibawa matinulu, natette'i tuwo.

YEHEZKIEL 18:31

Pappésauwi sininna ja iya mupogau'é sibawa leppessangngi ati nenniya pikkirammu mancaji mabaru. Magi naharusu'ko maté?

YEHEZKIEL 18:32

Dé' Umassennang rékko séddié tau matéi. Salaini dosa-dosamu kuwammengngi mutette tuwo. Iyya Puwang Iya Pommatanré pura mabbicara.”

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

HOSEA 14:1

Harusu'i rihukkung Samaria nasaba maronta'i méwa-Ka. Matéi matu ra'ya'na ri laleng ammusurengngé; rilélui matu ana'-ana'lolona, sibawa sining makkunrai mattampu'é ripuwé'i babuwana.”

HOSEA 14:4

Dé' naulléi matu Asyur passalama'ki, sibawa anyarang pammusué dé' naulléi tulukki. Dé'na namakkeda matu lao ri dato'-dato' ébbuta makkedaé mennang Allataalata. Oh Puwang, tamaséiwi sining tau iya dé'é nappunnai niga-niga iya weddingngé mennang nattuwang.”

HOSEA 6:1

Makkedai sining tau Israélié, “Laono mai talisu lao ri Puwangnge. Aléna ritu peddiriki, iyakiya Alénato mappajjappa matu. Aléna palori, iyakiya Alénato bebbe'i matu sining lota.

YOEL 2:12

Makkedai Puwangnge, “Iyakiya makkekkuwangngéwé, lisuno ri Iyya sibawa sukku ati, sibawa mappuwasa, mpating nenniya teri.

MALEAKHI 3:7

Pada-pada toriyolomu riyolo, léssé manenno polé ri hukkung-hukkuk-Ku sibawa dé' mumatinulu pajoppai. Lisuno ri Iyya, na-Ulisuto lao ri iko. Iyakiya makkutanako, ‘Aga harusu ripogau' untu' lisu ri Iko?’