ZAKHARIA 1:2 - KITTA KAREBA MADECENG

² Naparéntakka Puwangnge untu' makkeda makkuwaé lao ri umma'-Na, “Ri wettu labe'é Iyya, Puwang Iya Pommakuwasaé, macai senna lao ri néné-nénému.

ZAKHARIA 1:2 ပူးပေါင်းရင်းမြစ်များ

2 ARUNG-NGARUNG 22:19

massesse kaléko sibawa pakariyawai alému ri yolo-Ku. Purani uwancang untu' hukkungngi Yérusalém sibawa pabbanuwana. Maélo-Ka pancajiwi iyaro kotaé séddi pakkitang iya mappakatau-taué, sibawa asenna Yérusalém Upancajiwi matu aseng abusungeng. Iyakiya wettunna muwéngkalinga passalenna ancamak-Kuro teriko sibawa sapé'i pakéyammu tanrang masara. Purani Uwéngkalinga sempajammu,

2 ARUNG-NGARUNG 23:26

Iyakiya pangkaukenna Arung Manasyé pura paompoi cai-Na Puwangnge lao ri Yéhuda; na iyaro cai-Na dé'pa nasoro.

EZRA 9:13

Madosani sibawa riyajjalékkai hukkum-Mu, sibawa purani' Muhukkung. Iyakiya riissengngi, oh Allataala, makkedaé pahukkungeng iya Muwabbéréyangngéro dé' nasittane iya sipato'é ritarima, mala Mupassalama mupi.

MAZMUR 60:1

Untu' pamimping kor. Situru lagunna: Bunga bakung assabbiyangngé. Mazmur pappagguruwang polé ri Daud,

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

YEREMIA 44:6

Iyanaro saba'na Utuppa'i cai-Ku sibawa apéddarak-Ku ri yasé'na kota-kotana Yéhuda sibawa sining lalengngé ri Yérusalém. Utunu manengngi angkanna mancaji sésa-sésa sibawa makabuttu pada-pada iya weddingngé riita makkekkuwangngéwé.

AWATINGENG 5:7

Madosai toriyolota, dé'ni gaga makkekkuwangngé; iyakiya harusu'ki manrasa-rasa, nasaba dosa-dosana mennang.

YEHEZKIEL 22:31

Rimakkuwannanaro Uleppessangngi cai-Ku makkekkuwangngé lao ri mennang, na pada-pada apié Upaccappui matu mennang nasaba sininna pangkaukenna. Iyya Puwang Iya Pommatanré pura mabbicara.”

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

ZAKHARIA 1:15

Iyakiya macai senna'-Ka lao ri bangsa-bangsa iya marasa amangngé sibawa tennangngé. Nasaba wettuk-Ku tahangngi cai-Ku ri yasé'na umma'-Ku, iyaro bangsa-bangsaé natambaiwi anrasa-rasanna umma'-Ku.

ZAKHARIA 7:12

Napateddekiwi atinna mennang angkanna mancaji sittedde batué. Macai senna'-Ka nasaba dé' naturusiwi sining pappagguruwang iya puraé Uwabbéréyang lao ri mennang naolai nabi-nabié riyolo.

ZAKHARIA 8:14

Makkedai Puwang Iya Pommakuwasaé, “Wettunna néné-nénému mébbu-Ka macai, Upettuiwi untu' hukkungngi mennang sibawa masero. Dé' upinrai iyaro apettuk-Ku, sangadinna pajoppai.

RIWAYA'NA RASUL-RASUL-E 7:52

Engkaga nabi dé' nacallai néné-nénému? Naunoi mennang sining surona Allataala iya engkaénna riyolo mappallebbangengngi makkedaé Atanna Allataala iya tongengngéro maéloi polé. Na makkekkuwangngé mubali'bellariwi sibawa mpunoi iyaro Atanna Allataala.