ZAKHARIA 1:1 - KITTA KAREBA MADECENG

¹ Ri uleng maaruwaé ri laleng taung maduwaé apparéntanna Arung Darius ri yasé'na Persia, napalettu'i Puwangnge iyaé pasengngé lao ri iyya, Nabi Zakharia ana' Bérékhya sibawa eppona Ido.

ZAKHARIA 1:1 ပူးပေါင်းရင်းမြစ်များ

EZRA 4:24

Ripappésauni rijama Bolana Puwangnge sibawa dé' naripatteru narapi taung maduwaé apparéntanna Darius, arung Persia.

EZRA 5:1

Iyaro wettué engka duwa tau nabi, iyanaritu Hagai sibawa Zakharia ana' Ido, mappammula mabbicara ri laleng asenna Allataalana Israélié lao ri tau Yahudié iya monroé ri Yéhuda sibawa ri Yérusalém.

HAGAI 1:1

Ri taung maduwaé apparéntanna Arung Darius ri yasé'na Persia, ri tanggala séddinna uleng maennengngé, mabbicarai Puwangnge naolai Nabi Hagai. Iyaro pasenna Puwangnge napattujui lao ri Zérubabél ana' Séaltiél, gubernurna Yéhuda, sibawa lao ri Imang Lompoé Yosua ana' Yozadak.

HAGAI 1:15

Mammulani mennang majjama ri tanggala duwappulona eppa, uleng enneng ri laleng taung maduwaé wettu apparéntanna Arung Darius.

HAGAI 1:3

Nainappa naolai Nabi Hagai, makkedai Puwangnge lao ri umma'-Na,

HAGAI 2:10

Ri tanggala duwappulona eppa uleng aséra ri laleng taung maduwaé apparéntanna Arung Darius, mabbicarasi Puwang Iya Pommakuwasaé lao ri Nabi Hagai.

HAGAI 2:20

Iyatoro essoé, iyanaritu tanggala duwapulo eppa uleng aséra, nabbéréyangngi Puwangnge pasen-Na iya maduwaé lao ri Hagai,

ZAKHARIA 1:7

Ri tanggala duwappulona eppa uleng Syébat, iyanaritu uleng seppulo séddi, ri laleng taung maduwaé apparéntanna Arung Darius, napalettu'i Puwangnge pasen-Na lao ri iyya. Ri laleng séuwaé pakkitang ri wennié,

ZAKHARIA 6:9

Puwangnge mabbéréyangngi iyaé pasengngé lao ri iyya.

ZAKHARIA 7:1

Ri tanggala seppulona eppa uleng Kisléw, iyanaritu uleng aséra, ri laleng taung maeppaé apparéntanna Arung Darius, mabbérési paseng Puwangnge lao ri iyya.

MATIUS 23:35

Rimakkuwannanaro, rihukkukko matu nasaba abbunowang iya mupogau'é lao ri sininna tauwé iya dé'é asalanna – mappammulai riyunona Habél iya dé'é napasala, lettu riyunona Zakharia ana'na Bérékia, iya muwunoé ri pallawangenna Bolana Puwangngé sibawa mézbaé.

LUKAS 11:51

mappammulai riyunona Habél lettu riyunona Zakharia, iya kajajiyangngé ri pallawangenna mézbaé sibawa Bolana Puwangngé. Ateppe'no: Sining tauwé wettuéwé pasti rihukkungngi nasaba iya manennaro.