YUNUS 4:9 - KITTA KAREBA MADECENG

⁹ Iyakiya makkedai Allataala lao ri aléna, “Dé' nasipato'ko messé makkuwaro nasaba iyaro tanet-tanengngé!” Nappébali Yunus, “Magi na dé'? Sipato'ka mancaji macai senna gangka maté.”

YUNUS 4:9 ပူးပေါင်းရင်းမြစ်များ

1 ARUNG-NGARUNG 21:4

Nasibawang ati iya massesse'é sibawa macai nasaba méngkalingai aga iya napowadaé Nabot lao ri aléna, nalisuna Ahab nanaléwu ri onrong atinronna sibawa mabboko enrengngé dé' namaélo manré.

AYUB 18:4

Caimu banna napeddiriwi alému. Harusu'ga untu' apentingemmu ateddéngengngi linoé pabbanuwana, sibawa ripalétté'i sining bulué polé ri onronna?

AYUB 36:18

Jagako, aja' muribengnguwang ri dowi pasoso'é; aja' muripapusa nasaba asugirengngé.

AYUB 5:2

Banna tau madonggoé bawang iya maté nasaba mapeddi atiwi.

YUNUS 4:1

Dé' sises-siseng namasennang Yunus lao ri gau'éro; mala mancaji macayii.

YUNUS 4:10

Nainappa makkeda Puwangnge lao ri aléna, “Iyaé tanet-tanengngé tuwoi ri lalenna siwennié bawang, namakelle'i ri esso rappina; dé' sises-siseng na iko patuwoi iyaré'ga piyarai. Namuni makkuwaro messéko nasaba makelle'i.

YUNUS 4:8

Momponana essoé, papoléni Allataala anging pella iya mangirié polé alau. Céddé'i Yunus marenne nasaba nakennai tappa esso iya samannaé tunui ulunna. Pettu paddennuwanni sibawa macinna maté. Adanna, “Lebbi kessing muwi matéka bawang naiya tuwoé!”

MATIUS 26:38

Nakkeda lao ri ana'-ana' gurun-Na, “Messé senna'i atik-Ku, samanna maélo-Ka maté. Onrono kuwaé, sibawa accowéno majjaga-jaga sibawak-Ka.”

2 KORINTUS 7:10

Saba' amesséng iya pada-padaéro powassélé'i atappinrang ati iya mappapolé asalamakeng. Nadé' nassesse kalé matu tauwé lao ri gau'éro. Sibalé'na, amesséng iya siturué élona tolinoé powassélé'i amaténg.

WAHYU 9:6

Ri wettu limampulengngéro, iyaro sining tauwé makkuragai kuwammengngi namaté, iyakiya dé' nawedding mennang maté; macinnai mennang maté, iyakiya amaténgngé mabélai polé ri mennang.

HAKING-HAKING 16:16

Esso-esso Délila matteru-teru bawang majjabé sibawa maddessa, angkanna mangingngini Simson méngkalingai.