YUNUS 4:6 - KITTA KAREBA MADECENG

⁶ Nanapatuwona Puwang Allataala séuwa tanet-taneng makkalolo iya cinaungiyéngngi Yunus angkanna masennang. Mémeng, masennang senna'i Yunus sibawa tanet-tanengngéro.

YUNUS 4:6 ပူးပေါင်းရင်းမြစ်များ

ESTER 5:9

Lisuni Haman polé ri perjamuwanna Ratu Ester sibawa ati iya masennangngé. Iyakiya wettunna ri pintu gerbanna saorajaé naitai Mordékhai iya dé'é natokkong untu' pakarajai aléna, macai senna'ni.

AYUB 7:2

padai ata iya muddaniyé ri accinaungengngé; padai koli iya tajengngé saro.

AMSAL 23:5

Saba', ri laleng sikédé bawang weddingngi lennye waramparammu, samanna makképannii sibawa luttu ri bitaraé pada-pada kuwajangngé.

YESAYA 39:2

Naduppaini Hizkia iyaro sining suroé sibawa ati masennang nenniya mappaitangngi lao ri mennang sininna asugirenna, iyanaritu ulaweng sibawa péra', rampa-rampa sibawa minnya wangi, nenniya sininna passakke'na tentarana. Dé' muwi séddi ri saorajaé sibawa ri sininna akkarungenna iya dé'é nappaitangngi lao ri mennang.

AMOS 6:13

Mabboroko makkedaé purai mucau Lodébar. Makkeda tokko, “Genne awatangetta untu' sittaiwi Karnaim.”

YUNUS 1:17

Napapoléna Puwangnge sikaju balé loppo iya memme'éngngi Yunus. Nanaonrona Yunus ri lalenna babuwana baléro tellungngesso tellumpenni.

YUNUS 4:5

Nainappa lao Yunus ri seddé alauna kotaé, nanatudang kuwaro. Mébbuni séuwa kalampang sibawa maccinaung ri lalenna, nanatajeng towi aga kajajiyang matu ri kota Niniwé.

YUNUS 4:7

Iyakiya bajanana ri subué, mébbui Allataala sikaju lati manréi ure'na iyaro tanet-tanengngé, angkanna makelle.

LUKAS 10:20

Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

1 KORINTUS 7:30

tau iya teriyé, tuwo samanna dé' namessé ati; tau iya macawaé, samanna dé' namarennu; tau iya puraé mangelli, samanna dé' nappunnai aga-aga;