YUNUS 4:2 - KITTA KAREBA MADECENG

² Nainappa massempajang, “Oh Puwang, dé'ga napura mémeng upowada ri wettu dé'napa ujoppa polé ri bolaku riyolo, makkedaé pasti napogau'i matu makkuwaé? Iyanaro saba'na umatteru lari lao ri Spanyol! Uwisseng makkedaé idi Allataala iya makacuwaé sibawa mamasé, maraja sabbara, malemma sibawa tuli sadiya untu' pinrai rancana pahukkungenna.

YUNUS 4:2 ပူးပေါင်းရင်းမြစ်များ

1 ARUNG-NGARUNG 19:4

nainappa mallaleng lao ri padang kessi'é siesso ittana sibawa mappésau ri yawana séddié aju iya maworongngé. Kuwaniro tudang sibawa macinna kuwammengngi namaté bawang. Adanna lao ri Puwangnge, “Dé'na utahanna, Puwang. Ala bawanni nyawaku. Dé' ulebbi makessing naiya toriyoloku!”

MAZMUR 103:8

Saba' mamaséi Puwangnge sibawa makacuwai, malampé sabbara'i sibawa tabbolloi pammasé-Na.

MAZMUR 145:8

Iyaro Puwangnge mamaséi sibawa makacuwa, matengnge macai sibawa tuli mamaséi.

MAZMUR 78:38

Iyakiya Allataala mamaséiwi sibawa maddampengengngi umma'-Na, sibawa dé' napaccappui mennang. Makkolik-kolinni natahang cai-Na, sibawa dé' napallessui cai-Na.

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

MAZMUR 90:13

Oh Puwang, gangka kégi-Ko macai? Lisuno sibawa amaséiwi ata-atam-Mu.

ASSURENG 32:14

Nanapinrani niya'na Puwangnge sibawa dé'na najaji pogau'i ancaman-Na untu' pateppaiwi abala iyaro bangsaé.

YEREMIA 18:8

nainappa toba' iyaro bangsaé polé ri dosana, naurusa'i matu iyaro niya'-Ku.

YEREMIA 20:7

Puwang, Mupalécéka sibawa purana ripalécé. Lebbi mawatak-Ko naiya iyya sibawa purana Mupatunru. Riyéllé'ka ri tungke tau, ripakatuna polé ri élé lettu arawéng.

YEREMIA 26:13

Rimakkuwannanaro pinrani cara atuwommu sibawa sining pangkaukemmu; turusiwi Puwang Allataalamu, kuwammengngi Napasoroi akkatta-Na untu' cilakaiko.

YEREMIA 42:10

‘Rékko maéloko tette monro ri wanuwaéwé, Uwakkako matu, tenniya pasempé'ko; Upatettokko matu, tenniya ruttukko. Messé senna'-Ka nasaba purai Upapolé acilakangngé ri yasé'mu.

AMOS 7:3

Napinrai rancanana Puwangnge sibawa makkeda, “Iya muwitaéro dé' nakajajiyang matu.”

AMOS 7:6

Napinrasi rancanana Puwangnge sibawa makkeda, “Muwi iyaé dé'to nakajajiyang matu.”

YUNUS 1:3

Iyakiya mala Yunus joppai lao ri onrong laingngé untu' mabélaiwi Puwangnge. Laowi ri Yopa, nanasitujuwangngi engka kappala iya maéloé lao ri Spanyol. Puranana nawaja tampana, ménré'ni ri kappalaé, nainappa sompe silaong ana' kappala'é lao ri Spanyol, untu' mabélaiwi Puwangnge.

YUNUS 3:10

Naitani Allataala pangkaukenna mennang; Naitani makkedaé nasalaini mennang ampé-ampéna iya majaé. Nanapinrani apettun-Na, sibawa dé' najaji hukkungngi mennang.

YUNUS 3:9

Naullé napinrai matu niya'na Allataala sibawa dé'na namacai angkanna dé' tajaji binasa!”

MIKHA 7:18

Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

LUKAS 10:29

Iyakiya iyaro guru agamaé maéloi pattongengngi aléna. Makkutanani, “Niga iyaro pada-padakku rupa tau?”

ULANGENG 4:31

Puwang Allataalamu iyanaritu Allataala iya mamasé senna'é. Dé' matu nasalaiko iyaré'ga pabbinasako, iyaré'ga mallupaiwi assijancing iya naébbué sibawa toriyolomu.