YUNUS 4:11 - KITTA KAREBA MADECENG

¹¹ Masa dé' Umessé pikkiri'i Niniwé, kota iya battowaéro. Saba' ri lainnaé sining olokolo'na iya dé'é naribilanro, kuwaro engkato lebbi 120.000 ana' iya dé'éppa naulléi pasilaingengngi aga iya makessingngé sibawa aga iya majaé.”

YUNUS 4:11 ပူးပေါင်းရင်းမြစ်များ

KAJAJIYANG 9:10

nenniya sibawa sininna mahlu' iya tuwoé, iyanaritu manu'-manu'é sibawa sininna olokolo pottanangngé, sininna iya massué polé ri kappala'éro silaong sibawa iko.

MAZMUR 104:14

Mupatuwoi wellaé untu' olokolo'é, sibawa untu' tolinoé sakke rupa tanet-taneng. Naweddingngi mallaonruma,

MAZMUR 36:6

Puwang, sittanré langié pammasé-Mu, sibawa atinulurem-Mu lettu ri ellungngé.

YESAYA 1:18

Makkedai Puwangnge, “Laono mai tapuraiwi iyaé parakaraé. Namuni malango-langoko nasaba dosa-dosamu, Ubissaiko matu mancaji maputé mapaccing pada-pada ape'é. Namuni maégai dosa-dosamu sibawa matane, Uwaddampengekko matu sibawa sukku.

YESAYA 37:37

Nasorona Sanhérib, arung Asyur, sibawa lisu lao ri Niniwé.

YESAYA 7:16

Saba' ri wettu dé'napa narapii iyaro wettué, iya duwa manuwa iya naparéntaé arung-ngarung iya muwétauriyéro risalaiwi matu lobbang.

YUNUS 1:2

Adan-Na, “Laono ri Niniwé, kota battowaéro, untu' mancangngi, nasaba Uwissengngi mekkedaé maja senna'i pabbanuwana.”

YUNUS 3:10

Naitani Allataala pangkaukenna mennang; Naitani makkedaé nasalaini mennang ampé-ampéna iya majaé. Nanapinrani apettun-Na, sibawa dé' najaji hukkungngi mennang.

YUNUS 4:10

Nainappa makkeda Puwangnge lao ri aléna, “Iyaé tanet-tanengngé tuwoi ri lalenna siwennié bawang, namakelle'i ri esso rappina; dé' sises-siseng na iko patuwoi iyaré'ga piyarai. Namuni makkuwaro messéko nasaba makelle'i.

MATIUS 18:33

Dé'ga naharusu' tokko mamaséiwi sellaomu pada-pada purana uwamaséiko?’

ULANGENG 1:39

Namakkeda Puwangnge lao ri idi maneng, ‘Ana'-ana'mu iya baiccu senna'é mupa untu' pasilaingengngi iya makessingngé sibawa iya majaé, ana'-ana' iya muwasengngé maélo rirampasa risining balimmu, lao ri mennang ritu Uwéréngngi matu iyaro tanaé, sibawa natudangiwi matu mennang.