YUNUS 3:8 - KITTA KAREBA MADECENG

⁸ Harusu'i tauwé sibawa olokolo'é paké kaing karung. Selaku tanrang assessekeng sininna tauwé harusu'i massempajang sibawa mattonget-tongeng lao ri Allataala. Harusu'i mennang napédécéngi ampé-ampéna iya majaé sibawa pangkaukenna iya pennoé dosa.

YUNUS 3:8 ပူးပေါင်းရင်းမြစ်များ

AYUB 16:17

Iyakiya dé' upogau' ateddekeng; manessani malemmpu sempajakku lao ri Puwangnge.

AYUB 36:10

Nasuroi mennang méngkalingai papparéngngeran-Na sibawa salaiwi jana mennang.

YESAYA 58:6

Iyanaé puwasa iya Uwéloriyé: Paleppe'i balenggu pattenre'é sibawa tiwi dé'é naadélé, nenniya paleppe'i sining tau iya ritenre'é.

YEREMIA 18:11

Makkedai Puwangnge lao ri iyya, “Makkekkuwangngé, powadai lao risining tau Yéhudaé sibawa pabbanuwana Yérusalém makkedaé mattengngak-Ka mébbu rancana untu' méwai mennang, sibawa passadiya pahukkungeng untu' mennang. Suroi mennang pappésauwi cara atuwonna mennang iya madosaéro enrengngé pédécéngiwi kédo-kédona sibawa pangkaukenna mennang.

YEREMIA 25:5

Nasuroko salaiwi cara atuwommu iya majaé, sibawa sining pangkaukemmu iya madosaé, kuwammengngi naweddikko tette monro ri wanuwaéwé iya puraé nabbéréyang Puwangnge lao ri iko sibawa lao ri toriyolomu selaku appunangeng mana.

YEREMIA 26:3

Ajakké maéloi méngkalingai iyaro bangsaé, namappésau pogau'i majaé, angkanna Upasoro akkatta-Ku untu' cilakaiwi mennang situru sibawa pangkaukenna iya majaé.”

YEREMIA 36:3

Naullé mappésauwi matu tau Yéhudaé pogau'i majaé narékko naéngkalingai passalenna sininna abala iya Upatatteppaé matu ri yasé'na mennang. Na-Uwaddampengengngi matu dosana sibawa jana mennang.”

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

DANIEL 4:27

Rimakkuwannanaro sitinajai Puwakku turusiwi pangajana atatta. Aja'na namadosasi Puwakku, iyakiya pogau'i aga iya makessingngé sibawa adélé'é, sibawa amaséiwi tau kasiyasié. Nanallalengiwi tette'i matu masennang Puwakku.”

YOEL 1:14

Paréntangngi umma'mu untu' mappuwasa, appallebbangengngi addeppungeng marowaé! Undangngi sining pamimpingngé sibawa tomacowa-cowaé enrengngé sininna pabbanuwana Yéhuda, kuwammengngi nalao ri Bolana Allataala, untu' mangobbi méllau tulung ri Aléna.

YUNUS 1:14

Rimakkuwannanaro gorani mennang lao ri Puwangnge, “Oh Puwang, maréllauki, aja' tabinasa nasaba malai nyawana tau iya dé'é napogau' muwi asalang aga lao ri idi. Oh Puwang, purani Mupogau' aga iya Mupuwéloé.”

YUNUS 1:6

Wettunna nakodana iyaro kappala'é nonno ri yawa, naruntu'ni Yunus kuwaro mattengngang matinro. Nanakkeda, “Masa weddikko matinro ri laleng keadaang makkuwaéwé! Ayo, oto'no! Assempajanno lao ri déwatamu untu' méllau tulung. Nigana missengngi mamaséi matu lao ri idi angkatta dé' tabinasa.”

MATIUS 3:8

Appaitanni ri laleng pangkaukemmu makkedaé toba'no polé ri dosa-dosamu.

RIWAYA'NA RASUL-RASUL-E 26:20

Terus terakka powadangngi sining tauwé makkedaé harusu'i mennang toba' polé ri dosa-dosana sibawa mabbéréyangngi aléna lao ri Allataala enrengngé mappaitangngi ri laleng atuwo-tuwonna mennang makkedaé toba'ni mennang polé ri dosa-dosana. Upowadangngi iyaro gau'é bunge'-bunge'na ri Damsyik, nainappa ri Yérusalém sibawa sininna Yudéa sibawa ri yelle'na tau tenniyaé Yahudi.

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”