YUNUS 3:6 - KITTA KAREBA MADECENG

⁶ Wettunna naéngkalinga arung Niniwé iyaro karébaé, masitta'ni nonno polé ri kadéra akkarungenna. Naludunni jumba akkarungenna nanapakéi kaing karungngé, nainappa tudang ri tompo'na awué.

YUNUS 3:6 ပူးပေါင်းရင်းမြစ်များ

1 ARUNG-NGARUNG 21:27

Puranana Elia mabbicara, nasapé'ni Ahab pakéyanna nanapaké kaing karung selaku tanrang assessekeng, nainappa mappuwasa. Muwi ri wettunna matinro paké towi kaing karung, sibawa rékko joppai, tuli masara tappana.

AYUB 2:8

Natudanna Ayub ri seddéna goppo warowoé, sibawa mala reppa pinceng untu' kakkangngi watakkaléna.

AYUB 42:6

Rimakkuwannanaro masirika méngngerangngi sininna ada-adakku nanasibawang sessekalé tudakka ri laleng awué.”

YESAYA 15:3

Sining tauwé ri lalengngé mappaké kaing karungngi tanrang mabbarata; mpatingngi tauwé sibawa teri ri tana lapangngé sibawa ri pabbingeng bolaé.

YEREMIA 13:18

Makkedai Puwangnge lao ri iyya, “Suroi arungngé sibawa indo'na arungngé nonno polé ri kadéra arajanna, passigera'na iya magelloé sempé'ni polé ri ulunna.

YEREMIA 36:13

Nappaissengenni Mikhaya lao ri mennang, sininna iya nabacaé Barukh ri Bolana Puwangnge.

YEREMIA 36:24

Namuni Elnatan, Délaya, sibawa Gemarya méllauwi sibawa masero kuwammengngi aja' natunui arungngé kitta lulungngéro, iyakiya dé' namaélo méngkalingai mennang. Muwi arungngé iyaré'ga sining pajaba iya méngkalingaéngngi lise'na sininna kitta'éro dé' namancaji métau iyaré'ga mappaitang assessekaléng.

YEREMIA 6:26

Makkedai Puwangnge lao ri umma'-Na, “Pakéno kaing karung sibawa aggaléluno ri laleng awué. Abbaratano nenniya mpatinno sibawa mapessé pada-pada tau teringiyéngngi amaténna ana' tungke'na, saba' nagasako matu pappabbinasaé temmusenna-senna.”

AWATINGENG 2:10

Pada tudanni tomacowa-cowana kotaé mammekko ri tanaé; namporiwi awu ulunna mennang, sibawa paké kaing karung tanrang masara. Muwi ana'-ana'daraé cannunnuto lettu ri tanaé.

AWATINGENG 3:29

Leppessakki pakariyawai alé sibawa manyara, nasaba naullé engka mupa paddennuwang.

YEHEZKIEL 26:16

Naitana totomu, tokkongngi matu sining arung polé ri bangsa-bangsa wiring tasi'é polé ri kadéra arajanna, ludungngi jumba arajanna sibawa wajunna iya massulangngé, nanatudang ténré ri tanaé. Métau senna'ni matu mennang angkanna dé' naulléi tennang.

DANIEL 9:3

Nainappa massempajakka sibawa mattonget-tongeng lao ri Puwang Allataala, sibawa méllauwi paressé babuwana. Mappuwasa tona sibawa paké kaing karung enrengngé tudang ri tompo'na awué.

MIKHA 1:10

Aja' muwappaissengengngi lao risining balitta ri Gat passalenna abalata; aja' muleppessangngi mennang mitako teri. Eh pabbanuwana Bét-Lé-Afra, aggaléluno ri laleng awué selaku tanrang pettu paddennuwang!

MATIUS 11:21

“Cilakano iko Korazim! Macilaka tono iko, Bétsaida! Akkalarapanna sining anu makalallaingngé iya naébbué ri tengnga-tengngamu pura napogau'i ri Tirus sibawa Sidon, pasti sining tauwé kuwaro maittana natoba' polé ri dosa-dosana mennang sibawa paké pakéyang mabbarata enrengngé taroiwi awu ulunna.

LUKAS 10:13

“Cilakano iko Korazim! Sibawa cilakano iko, Bétsaida! Ebara'na sining anu makalallaingngé iya ripogau'é ri tengnga-tengngamuro purani ripogau' ri Tirus sibawa Sidon, pasti maittani sining tauwé kuwaro natoba' polé ri dosa-dosana mennang, sibawa paké pakéyang mabbarata enrengngé taroiwi awu ulunna mennang.