YUNUS 3:4 - KITTA KAREBA MADECENG

⁴ Nauttamakini Yunus kotaéro na puranana joppa puppu esso, mappammulani makkatobba, adanna, “Patappulopi essona, nariyancuru matu Niniwé!”

YUNUS 3:4 ပူးပေါင်းရင်းမြစ်များ

2 ARUNG-NGARUNG 20:1

Wettuéro malettangngi Arung Hizkia iya maladde senna'é angkanna céddé'i maté. Naricélléngina ri Nabi Yésaya ana' Amos sibawa makkeda, “Mappasengngi Puwangnge kuwammengngi napappurai sininna urusanna Datu, saba' dé'na najjappa matu Datu. Dé'na namaitta namaté Datu.”

2 ARUNG-NGARUNG 20:6

Maélo-Ka tambaiwi umuru'mu sibawa 15 taung. Iko sibawa kota Yérusalém Upaleppe'ko matu polé ri arung Asyur. Iyaé kotaé maélo-Ka linrungiwi nasaba alebbirek-Ku nenniya nasaba assijancik-Ku sibawa atak-Ku Daud.”

YESAYA 30:18

Namuni makkuwaro, natajengngi Puwangnge wettunna untu' mappaitangngi paressé babuwa-Na lao ri iko. Sadiyai untu' mamaséiko. Saba' Puwangnge iyanaritu Allataala iya pogau'éngngi aga iya teppa'é. Masennangngi tau iya mamménasaé ri Aléna.

YEREMIA 42:10

‘Rékko maéloko tette monro ri wanuwaéwé, Uwakkako matu, tenniya pasempé'ko; Upatettokko matu, tenniya ruttukko. Messé senna'-Ka nasaba purai Upapolé acilakangngé ri yasé'mu.

YUNUS 3:10

Naitani Allataala pangkaukenna mennang; Naitani makkedaé nasalaini mennang ampé-ampéna iya majaé. Nanapinrani apettun-Na, sibawa dé' najaji hukkungngi mennang.

MATIUS 12:41

Ri Esso Kiyame', moto'i matu pabbanuwana Niniwé silaong sining tauwé makkekkuwangngéwé nanatenre'i mennang. Saba' toba'ni tau Niniwé polé ri dosana, wettunna Yunus makkatobba lao ri mennang. Iyakiya makkekkuwangngé kuwaé engka lebbi battowa naiya Yunus!

LUKAS 11:30

Pékkugi Nabi Yunus sinrupai anu makalallaingngé lao risining tauwé ri kota Niniwé, makkuwatoro Ana'na Tolinoé mancajiwi matu séuwa anu makalallaingngé untu' sining tauwé wettuéwé.

LUKAS 11:32

Ri Esso Kiyame', tuwoi matu pabbanuwana Niniwé silaong sining tauwé makkekkuwangngé, sibawa teppui mennang, saba' iyaro tau Niniwé toba'ni polé ri dosa-dosana wettunna Yunus makkatobba lao ri mennang. Iyakiya makkekkuwangngé kuwaé engka iya lebbi battowaé naiya Yunus!”

ULANGENG 18:22

Rékko séddié nabi mabbicarai ri laleng asenna Puwangnge, iyakiya aga iya napowadaéro dé' nakajajiyang, iyaro botoé dé' napolé ri Puwangnge. Iyaro nabié mabbicarai ri laleng asenna muto nadé' naweddikko métau ri aléna.”