YUNUS 3:2 - KITTA KAREBA MADECENG

² Adan-Na, “Laono ri Niniwé, kota battowaéro, namupalettukengngi ra'ya'na, paseng iya Uwéréngngékko.”

YUNUS 3:2 ပူးပေါင်းရင်းမြစ်များ

ESTER 9:31

Iyaro sure'é nappétangngareng towi kuwammengngi mennang sibawa wija-wijanna naparéngngerangiwi esso-esso Puringngé ri wettu iya teppa'é, pékkugi mennang paréngngerangiwi wettu appuwasangngé sibawa wettu abbaratangngé. Iyanaro lise'na sure'na Mordékhai sibawa Ratu Ester.

ASSURENG 4:28

Nacuritani Musa lao ri Harun sininna iya napowadaé Puwangnge lao ri aléna wettunna risuro lisu ri Maséré, makkuwatoro passalenna sininna anu makalallaing iya harusu'é naébbu.

YEREMIA 1:17

Sadiya-sadiyano Yérémia! Laono sibawa palettu'ni ri mennang, sininna iya Uwapparéntengngé ri iko. Aja' mumétau ri mennang, kuwammengngi aja' Uwébbuko lebbi métaupasi rékko siyolokko sibawa mennang.

YEREMIA 1:7

Iyakiya mappébaliwi Puwangnge, “Aja' muwakkeda malolo senna mupo. Rékko Iyya suroko lao ri nigi-nigi, harusu'ko lao, sibawa sininna iya Uwassurowangngé Upowada, harusu'i mupalettu lao ri mennang.

YEHEZKIEL 2:7

Palettu manengngi pasek-Ku lao ri mennang, maéloiga mennang méngkalingai iyaré'ga dé'. Engngerangngi makkedaé mennanro sining parronta.

YEHEZKIEL 3:17

“Eh tolino dé'é namannennungeng, Uwakkako mancaji panganrowanna bangsa Israélié. Palettu'i lao ri mennang papparéngngerang iya Uwabbéréyangngéwé.

YUNUS 1:2

Adan-Na, “Laono ri Niniwé, kota battowaéro, untu' mancangngi, nasaba Uwissengngi mekkedaé maja senna'i pabbanuwana.”

YUNUS 3:1

Untu' mabbékkaduwanna mabbicarai Puwangnge lao ri Yunus.

YUNUS 3:3

Nanaturusini Yunus Puwangnge sibawa lao ri Niniwé, séuwa kota iya battowa senna'é; angkanna tellungngesopa riyapparellung untu' jokkaiwi.

MATIUS 3:8

Appaitanni ri laleng pangkaukemmu makkedaé toba'no polé ri dosa-dosamu.

YOHANES 5:14

Nainappa Yésus siruntu iyaro tauwé ri laleng Bolana Puwangngé, nakkeda lao ri tauwéro, “Makkekkuwangngé majjappano. Aja'na mumadosasi, kuwammengngi aja' mupéneddingiwi iya lebbi majaé.”