YUNUS 2:8 - KITTA KAREBA MADECENG

⁸ Sining passompa barahala iya siya-siyaé, nasalai-Ko sibawa dé'na namatinuluna.

YUNUS 2:8 ပူးပေါင်းရင်းမြစ်များ

2 ARUNG-NGARUNG 17:15

Dé' namaélo Israél sibawa Yéhuda turusiwi parénta-paréntana Puwangnge sibawa dé' namatinulu lao ri assijancing iya puraé naébbu sibawa toriyolona. Dé' nabati-batiwi mennang sining pakkamparenna, sangadinna massompai lao ri barahala-barahala iya dé'é nakkéguna, angkanna muwi aléna mennang dé'tona nakkéguna. Naccowériwi mennang baténa bangsa-bangsaé ri mattulilinna, namuni pura nattéyang Puwangnge.

MAZMUR 142:4

Wettukku céddé pettu paddennuwang, Muwisseng aga harusu upogau'. Ri laleng iya harusu'é uwola, mammekko-mekkoi balié tangika siyo.

MAZMUR 31:6

Ri laleng limam-Mu uwabbéréyang aléku; Iko paleppe'ka, oh Puwang, Allataala iya matinulué.

MAZMUR 69:14

Iyakiya massempajakka lao ri Iko, oh Puwang, oh Allataala, balika ri wettu iya makessingngé. Tulukka nasaba pammasému iya battowaé sibawa nasaba atinuluremmu.

YEREMIA 10:8

Madongo sibawa madonggo maneng mennang saba' déwatana banna aju simata, dé' naulléi mappagguruwangngi iya makkégunaé.

YEREMIA 16:19

Puwang, Iko ritu linrungika sibawa mpérékka awatangeng; Iko tulukka ri wettu asukkarakengngé. Bangsa-bangsaé polé ri cappa linoé laowi matu ri Iko sibawa makkeda, “Toriyolota banna mappunnaiwi déwata palsu iya dé' sises-sisengngé nakkéguna.

YEREMIA 2:13

Pogau'i umma'-Ku duwanrupa dosa: nabbokori-Ka mennang, bubbu uwai pabbéré atuwong untu' tolinoé; naébburengngi mennang aléna kolang milé iya dé'é nawedding tahangngi uwaina.”

MIKHA 1:2

Engkalingai, éh bangsa-bangsa! Pénessaiwi, éh pabbanuwana sininna linoé! Poléi Puwang Iya Pommatanré selaku sabbi méwa manekko! Engkalingai Aléna mabbicara polé ri Bola-Na iya mapaccingngé ri surugaé.

1 SAMUEL 12:21

Aja' muwaccowériwi déwata-déwata iya dé'é naulléi mattulung sibawa passalama'ko, nasaba sitongenna mennang dé'gaga.