YUNUS 2:2 - KITTA KAREBA MADECENG

² “Oh Puwang, ri laleng asussakku mangobbika lao ri Iko na mubalika. Polé ri linona tau maté méllauka pattulung, Muwéngkalingai paréllaukku sibawa Mujampangiwi.

YUNUS 2:2 ပူးပေါင်းရင်းမြစ်များ

2 TAWARIKH 33:12

Ri laleng anrasa-rasannaro napakariyawai aléna lao ri Puwang Allataalana, sibawa massempajang méllauwi pattulun-Na.

MAZMUR 116:3

Naancakka bahaya amaténg; appakatau-taurenna amaténgngé luruika, naébbuka mausé sibawa métau.

MAZMUR 120:1

Elong ziyara. Ri laleng asussakku mangobbika lao ri Puwangnge, na-Nabalika.

MAZMUR 16:10

Saba' dé' Muleppessakka maté; tau iya Muwamaséiyé dé' Muleppessangngi maté.

MAZMUR 22:24

Pojiwi Aléna, éh sining tau mateppe'é! Pakarajai Aléna, sininna wija-wijanna Yakub! Suju'no ri Aléna, sininna wija-wijanna Israélié!

MAZMUR 34:6

Tau ritenre'é maddennuwangngi ri Aléna sibawa marennu, dé' mennang nappunnai alasang untu' mancaji masiri.

MAZMUR 4:1

Untu' pamimping kor. Nasibawang kacapi. Mazmurna Daud.

MAZMUR 61:2

Engkalingai pangobbiku, oh Allataala, pénessaiwi sempajakku.

MAZMUR 65:2

Sipato'ki poji-Ko ri Sion, oh Allataala, sibawa rupaiwi jancitta ri Iko.

MAZMUR 86:13

Saba' tette'-Ko mamaséika sibawa pammasé iya battowaé; purani Mupaleppe nyawaku polé ri kalebbonna kuburu'é.

YESAYA 14:9

Ramé-raméni linona tau maté duppaiwi iyaro arung Babél. Napéseddinna waliyalana sining tau iya makuwasaé riyolo ri linoé, sibawa waliyalana sining arungngé moto'ni polé ri kadéra arajanna mennang.

AWATINGENG 3:55

Oh Puwang, mangobbika lao ri Iko, polé ri borina bujung iya maliyungngéro.

YEHEZKIEL 26:20

Nainappa Ukirikko lao ri linona tau maté untu' masséddi sibawa sining tau polé ri wettu riyolo. Uleppessakko mattette ri linona tau matéro, ri tengnga-tengngana sésa-sésa mannennungengngé, silaong sibawa tau maté. Na dé'na nariyonroina tanamu, sibawa dé' naribilakko matu ri yelle'na tau tuwoé.

YEHEZKIEL 31:14

Iya manennaro kajajiyangngi kuwammengngi mappammulai wettuéwé, dé'na matu gagana aju iya tuwoé sittanréro; dé'na gagana coppo aju iya rapiéngngi ellungngé namuni lolongeng uwai maona. Iya manenna harusu'i maté pada-pada tolino iya dé'é namannennungeng, sibawa maddeppungeng silaong sining tau iya nonnoénna ri linona tau maté.”

MATIUS 12:40

Monroi Yunus tellung ngesso tellumpenni ri lalenna babuwana balé loppoé. Makkuwatoro Ana'na Tolinoé monroi matu tellung ngesso tellumpenni ri lalenna babuwana tanaé.

LUKAS 11:10

Nasaba tau iya méllauwé natarimai matu; tau iya massappaé nalolongengngi matu, sibawa tau iya maggettoé, ritimpakengngi matu tange.

LUKAS 22:44

Manrasa-rasa senna'ni Yésus secara baténg, angkanna pédé' matonget-tongenni massempajang. Puse'-Na pada-padai daraé tetti ri tanaé.]

RIWAYA'NA RASUL-RASUL-E 2:27

Saba' dé' Muleppessangngi nyawaku monro ri laleng linona tau maté. Dé' Muleppessangngi iyaro atam-Mu iya matinulué ancuru' sibawa cappu.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

1 SAMUEL 1:16

Aja' nariyangga'ka makkunrai lampa. Massempajakka pada-pada iyaé nasaba masara senna'ka.”

1 SAMUEL 30:6

Masussa senna'ni ana' buwana Daud nasaba ateddéngenni ana'-ana'na sibawa bainéna mennang. Rimakkuwannanaro maéloni mennang genrungngi Daud sibawa batu. Jaji engkani Daud ri laleng asukkarakeng battowaé, iyakiya atinna ripéwatangiwi ri Puwang Allataala.