YUNUS 1:6 - KITTA KAREBA MADECENG

⁶ Wettunna nakodana iyaro kappala'é nonno ri yawa, naruntu'ni Yunus kuwaro mattengngang matinro. Nanakkeda, “Masa weddikko matinro ri laleng keadaang makkuwaéwé! Ayo, oto'no! Assempajanno lao ri déwatamu untu' méllau tulung. Nigana missengngi mamaséi matu lao ri idi angkatta dé' tabinasa.”

YUNUS 1:6 ပူးပေါင်းရင်းမြစ်များ

2 SAMUEL 12:22

Nappébali Daud, “Ya, mémeng mappuwasaka sibawa teri wettunna tuwo mupi iyaro ana'é saba' mappikkiri'ka: Naullé Puwangnge namesséika matu nanapuwéloi tuwo iyaro ana'é.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

MAZMUR 107:6

Ri laleng asussang mangobbii mennang lao ri Puwangnge, sibawa paleppe'i mennang polé ri aperisengngé.

MAZMUR 78:34

Sises-siseng nauno Allataala siyagangngaré ri yelle'na mennang, iya laingngé massessekaléi sibawa lisu ri Aléna.

YESAYA 3:15

Magi mutenre'i umma'ku sibawa para'i tau kasiyasié? Iyya, Puwang Iya Pommatanré sibawa Pommakuwasaé pura mabbicara.”

YEHEZKIEL 18:2

“Magi nariteppu matteru-teru iyaé warékkadaé ri Israélié? ‘Tomatowaé manré buwa anggoro iya makeccié, iyakiya ana'-ana'na iya mangélué isinna.’

YOEL 2:11

Magguttu saddanna Puwangnge, mabbéré tanra-tanrang, lao ri tentarana. Temmaka battowana jumellana tentarana! Temmaka watanna tentara iya pogau'éngngi parénta-Na! Masero tongeng sibawa héba' Essona Puwangnge! Dé' muwi séddi tau mulléi mattahang.

AMOS 5:15

Céccéi iya majaé, éloriwi iya makessingngé, sibawa patettongngi adélé'é. Naullé namaséiwi matu Puwangnge sining tau iya risésaé polé ri bangsa Israélié.

YUNUS 3:8

Harusu'i tauwé sibawa olokolo'é paké kaing karung. Selaku tanrang assessekeng sininna tauwé harusu'i massempajang sibawa mattonget-tongeng lao ri Allataala. Harusu'i mennang napédécéngi ampé-ampéna iya majaé sibawa pangkaukenna iya pennoé dosa.

YUNUS 3:9

Naullé napinrai matu niya'na Allataala sibawa dé'na namacai angkanna dé' tajaji binasa!”

RIWAYA'NA RASUL-RASUL-E 21:13

Iyakiya mappébaliwi, “Aga gunana Saudara teri pada-pada iyaé angkanna muwébbui atikku ancuru? Sadiyaka tenniya bawang untu' ritikkeng kuwaro, iyakiya muni untu' maté nasaba Puwang Yésus.”

ROMA 13:11

Ri lainnaé iya manennaro muwisseng makkedaé iyaé wettué iyanaritu wettummu untu' pésedding polé ri tinroé. Saba' wettunnana untu' ripassalama'ki pédé' macawé'ni makkekkuwangngéwé naiya wettutta bunge' nappa mammula mateppe'.

EFESUS 5:14

Saba' sininna iya weddingngé riita sibawa manessa, iyanaritu matajangngi. Iyanaro saba'na naripowada, “Oto'no, éh iko matinroé, sibawa tokkonno polé ri amaténgngé! Mattappai matu Kristus ri yasé'na.”