YUNUS 1:4 - KITTA KAREBA MADECENG

^4-5 Nonnoni Yunus ri onrong iya kaminang mariyawaé nanaléwu kuwaro, namemme'na tinrona. Nainappa napapolé Puwangnge anginrajaé ri tompo'na tasi'é, nanakajajiyanna bombang maseroé, iya munruéngngi kappala'éro angkanna céddé ancuru. Métau senna'ni sining ana' kappala'é sibawa gora-gora méllau tulung, tungke'-tungke' lao ri déwatana muto. Untu' kurangiwi abalaé tallemme'é, nabuwanni mennang lurenna kappala'éro ri laleng tasi'é.

YUNUS 1:4 ပူးပေါင်းရင်းမြစ်များ

MAZMUR 135:6

Napogau'i aga iya Naéloriyé, ri langié sibawa ri linoé, ri tasi'é sibawa ri dolangeng iya maliyungngé.

MAZMUR 135:7

Polé ri cappa linoé papoléi ellung, Naébbui billa'é untu' bosié. Nainappa Naparéntang angingngé kuwammengngi nassu polé ri onrong attaron-Na.

MAZMUR 148:8

éh billa sibawa bosi ése, salju sibawa ellung, anginraja iya turusiyéngngi paréntana Puwangnge!

ASSURENG 10:13

Nakkani Musa tekkenna nanapapoléna Puwangnge anging alaué mangiri ri wanuwaéro puppu esso sibawa puppu benni. Denniyarinnana tiwini iyaro angingngé sining incalé

ASSURENG 10:19

Nanapinrani Puwangnge angirina angingngé mancaji anging yajang iya maraja senna'é. Nairini anging iyaro sining incalé naritiwi ri Tasi Gelaga. Muwi séddi dé'to nasésa risininna tana Maséré.

ASSURENG 14:21

Nanajjellokenni liyasé tekkenna Musa ri yasé'na tasi'é, nanapapoléna Puwangnge anging alau mangiri sibawa maladde angkanna soro uwaina tasi'é. Puppu benni mangiri iyaro angingngé, sibawa pinrai iyaro tasi'é mancaji tana rakko.

ASSURENG 15:10

Iyakiya sisemmi mannyawa Puwangnge napapoléngengngi Maséré esso iya macilakaé. Tallemme'i mennang pada-pada tumera iya matane'é ri laleng bombanna uwai iya maseroé.

YEREMIA 51:16

Banna mabbéréi parénta, namemmu uwai ri bitaraé. Polé ri cappa-cappa linoé Napapoléi ellungngé, sibawa Naébbui billa'é mattappa ri laleng bosié, enrengngé Nakiringngi anging polé ri onrong assubbuwanna.

AMOS 4:13

Bulu sibawa angingngé, Puwangnge ritu pancajiwi; napannessai rancana-Na lao ri tolinoé. Naébbui essoé sibawa wennié; joppai ri yasé'na coppo-coppo linoé. Puwang Allataala Iya Pommakuwasaé, iyanaro asen-Na.

ABBILANGENG 11:31

Tappa napapoléni Puwangnge anging polé ri tasi'é; iyaro angingngé tiwii uro iya luttué mapancé senna, narapi simétéré ri yasé'na tanaé. Makkalutturengngi mennang ri yasé'na akkémangngéro narapi sibbéla siyagangngaré kilo ri seddéna.