YUNUS 1:1 - KITTA KAREBA MADECENG

¹ Ri séuwaé esso, mabbicarai Puwangnge lao ri Yunus, ana' Amitai.

YUNUS 1:1 ပူးပေါင်းရင်းမြစ်များ

2 ARUNG-NGARUNG 14:25

Yérobéam Maduwaénna ritu sittaiwi paimeng sininna daérana Israélié, polé ri laleng laowé ri Hamat ri manorang lettu ri Tasi Maté ri yattang. Iyaro siturui jancinna Puwangnge, Allataalana Israél, naolai atan-Na, Nabi Yunus ana' Amitai tau Gat-Héfer.

AMOS 3:8

Narékko mangngaungngi singaé, nigana dé' namétau? Narékko mabbicarai Puwang Iya Pommatanré, nigana mulléi mammekko sibawa dé' nappallebbangengngi pasenna?

YUNUS 3:1

Untu' mabbékkaduwanna mabbicarai Puwangnge lao ri Yunus.

MATIUS 16:4

“Anengka makkuwa jana tauwé makkekkuwangngé. Muwéllau-Ka mébbu anu makalallaing. Dé' nariwérékko matu muwi séddi anu makalallaing, sangadinna anu makalallainna Nabi Yunus.” Purana makkeda makkuwaro Yésus, nasalaini mennang nalao.

LUKAS 11:32

Ri Esso Kiyame', tuwoi matu pabbanuwana Niniwé silaong sining tauwé makkekkuwangngé, sibawa teppui mennang, saba' iyaro tau Niniwé toba'ni polé ri dosa-dosana wettunna Yunus makkatobba lao ri mennang. Iyakiya makkekkuwangngé kuwaé engka iya lebbi battowaé naiya Yunus!”