YOSUA 8:2 - KITTA KAREBA MADECENG

² Ai sibawa arunna harusu'i mugaukeng pada-pada mugaukengngéngngi Yérikho sibawa arunna riyolo. Iyakiya iya sisengngé barab-baranna sibawa olokolo'na weddingngi muwala mancaji appunnangemmu. Sadiya-sadiyano untu' luruiwi kotaéro tappa polé ri monri.”

YOSUA 8:2 ပူးပေါင်းရင်းမြစ်များ

2 TAWARIKH 13:13

Iyaro wettué nakirinni Yérobéam sibagiyang polé ri pasukanna untu' madangngi pasukanna Yéhuda polé ri munri, na sibagiyassi moloiwi mennang polé ri yolo.

2 TAWARIKH 20:22

Wettunna iyaro pakkélongngé mappammula gora-gora makkélong, pakangkani Puwangnge akacaungeng ri tengnga-tengngana tentara balié iya mattengngangngé maggasa.

MAZMUR 39:6

Temmaka ponco'na Mupattentu umuru'ku! Untu' alé-Mu wettu atuwokku dé' bettuwanna. Tongeng, tolinoé padai seppung nappase'é bawang,

AMSAL 13:22

Tau makessingngé mappammanarengngi asugireng lao ri ana' eppona; asugirenna tau madosaé nataroi untu' tau iya malempué atuwonna.

AMSAL 28:20

Tau malempué ribarakkakiwi matu ri Puwangnge, iyakiya tau iya macinnaé masitta sugi, dé' naleppe polé ri pahukkungengngé.

YEREMIA 17:11

Samanna manu'-manu' mangarangiyéngngi tellona iya tenniyaé appunnangenna, makkuwaniro tau iya dé'é namalempu lolongeng waramparang. Ri sitengnga umuru'é ateddéngengngi matu sininna waramparanna. Ri paccappureng atuwonna pabuttiwi tau madonggo senna'i.

YEREMIA 51:12

Wéréngngi tanrang untu' gasai témbo'-témbo'na Babél. Pakkasse'i anganrowangengngé. Taroi pengawal-é. Passadiyai paggasaé!” Purani napogau' Puwangnge aga iya Narancanaé lao ri tau Babél-é.

ULANGENG 2:35

Riyalai olokolo'na mennang sibawa rirampasa'i kota-kotana.

ULANGENG 20:14

Iyakiya weddikko malai makkunraié, ana'-ana'é, olokolo'é sibawa agi-agi iya engkaé ri kotaéro. Sininna waramparanna sining balimmuro weddingngi mupaké. Puwang Allataalamu mabbéréyangngi lao ri iko.

ULANGENG 3:2

Iyakiya makkedai Puwangnge lao ri iyya, ‘Aja' mumétau ri aléna, Musa. Maélo-Ka mabbéréyangngi, tentarana sibawa sininna daérana lao ri iko. Gaukenni pada-pada puraé mugaukengngi Sihon, arung Amori iya mapparéntaé ri Hésybon.’

YOSUA 10:1

Naéngkalingani Adoni-Zédék, arunna Yérusalém makkedaé nasittaini sibawa nancuru sisenni Yosua kota Ai, enrengngé mpunoi arunna pada-pada iya puraé nagaukengngi lao ri Yérikho sibawa arunna. Naéngkalinga toni makkedaé purani tau Gibéongngé mébbu assijancing assisellaongeng sibawa sining tau Israélié sibawa monroi ri tengnga-tengngana mennang.

YOSUA 10:28

Iyaro essoé nagasani Yosua Makéda, sibawa caui kotaéro silaong arunna. Naunoi sininna pabbanuwana iyaro kotaé; dé' muwi séddi naleppessang tuwo. Nagaukenni Yosua arunna Makéda pada-pada iya nagaukengngéngngi arung Yérikho.

YOSUA 11:14

Sininna pabbanuwana iyaro kota-kotaé naunoi; dé' muwi séddi tau naleppessang tuwo. Iyakiya sininna barab-baranna iya mangke'é sibawa olokolo'na nalai tau Israélié mancaji appunnangenna mennang.

YOSUA 6:21

Sininna ri laleng kotaéro, macuwa malolo, worowané makkunrai, riyunoi sibawa peddang. Sininna olokolo sapingngé, bimbala'é sibawa kaleddé'é riyunoto.

YOSUA 8:12

Lebbi kurang 5.000 tau égana pura nasuro massubbu ri seddé yajanna kotaéro, pallawangenna Ai sibawa Bétel.

YOSUA 8:14

Naitana arung Ai ana' buwana Yosua, tinda'ni masitta. Aléna sibawa sininna taunna massuni mattuju ri Lompo Yordan untu' gasai tau Israélié ri onrongngé riyolo. Dé' naissengngi makkedaé dé' namaittana narigasa polé ri monri.

YOSUA 8:19

Natanréyanna muwa limanna Yosua, pasukang iya mallekke'éro mapperi-perini tokkong sibawa gasai kotaéro, nainappa nasittai. Matteru mennang natunu iyaro kotaé.

YOSUA 8:24

Puranana pasukang Israélié nauno gangka cappu tentara balié iya lellungngéngngi mennang ri padang makabuttué, lisuni mennang ri Ai, sibawa mpunoi sininna tauwé kuwaro.

YOSUA 8:3

Nasadiya-sadiyana Yosua untu' lao ri Ai silaong sininna tentarana. Piléni 30.000 tau pejuwang iya kaminang makessingngé, nainappa nasuro mennang ri wennié,

YOSUA 8:7

Ri wettuénnaro harusu'ko massu polé ri onrong allekkekemmu, sibawa sittaiwi kotaéro. Puwang Allataalamu mabbéréyangngi matu lao ri iko.

YOSUA 8:8

Puranana musittai, tunui iyaro kotaé, situru iya napparéntangngé Puwangnge. Iyanaro tugasmu.”

YOSUA 8:9

Nainappa Yosua suroi mennang, nalaona mennang mallekke ri seddé yajanna Ai pallawangenna Ai sibawa Bétel, nainappa mattajeng kuwaro. Iyakiya Yosua mabbenniwi ri akkémanna umma Israélié.

YOSUA 9:3

Iyakiya sining tau Gibéon polé ri bangsa Héwié purani naéngkalinga passalenna aga iya napogau'é Yosua lao ri Yérikho sibawa Ai.