YOSUA 7:2 - KITTA KAREBA MADECENG

² Iyaro wettué suroni Yosua siyagangngaré tau polé ri Yérikho lao ri Ai, iyanaritu séddi kota ri seddé alauna Bétel, seddéna Bét-Awen. Iyaro sining tauwé risuroi untu' lao salidikiwi daéraéro. Puranana mennang napogau' iyaro risurowangngéngngi,

YOSUA 7:2 ပူးပေါင်းရင်းမြစ်များ

KAJAJIYANG 12:8

Purairo napatteruni joppana liyattang, ri daéra mabbulu-bulué ri seddé alauna kota Bétel, sibawa makkéma ri pallawangenna Bétel sibawa kota Ai; Bétel ri seddé yajang na Ai ri seddé alau. Kuwatoniro patettong mézba sibawa sompai Puwangnge.

KAJAJIYANG 28:19

Nasenni Bétel iyaro onrongngé. (Riyolo asenna Lus.)

1 ARUNG-NGARUNG 12:29

Nanataroni Yérobéam séddi polé ri saping ulawengngéro ri Bétel na iya laingngé ri Dan.

NEHEMIA 11:31

Siyagangngaré tau polé ri suku Bényamin monroi ri Géba, Mikhmas, Ai, Bétel sibawa désa-désaé ri seddéna,

AMSAL 20:18

Mallolongengngi rancanaé nasaba attimbangeng; rimakkuwannanaro, aja' muéwa temmébbu rancana iya manasué.

AMSAL 24:6

Saba' ri wettu dé'napa nammusu harusu engka rancana iya manusué riyolo, sibawa pédé maéga pappangaja, pédé battowa akkulléna pakala matu.

YESAYA 10:28

Nasittaini tentara Asyur-é kota Ayat. Naliwenni mennang Migron! Nasalaiwi mennang bokonna ri Mikhmas!

YEREMIA 49:3

Eh tau Hésybon, terino nasaba ancuru'ni kota Ai! Eh sining makkunrainna kota Raba, mpatinno! Pakéni kaing karungngé tanrang messé. Larino lao tulili penno alippuwang. Milkom déwatamu ritiwii matu lao ri appalirengngé silaong imang-ngimanna nenniya sining pajaba pamaréntana!

HOSEA 4:15

Eh iko tau Israélié, dé' mumatinulu lao ri Iyya! Iyakiya, mamménasa-Ka Yéhuda dé' napogau'i asalang iya padaé! Aja' muwassompa ri Gilgal iyaré'ga ri Bétel. Aja' muwattanro kuwaro nasabbing asenna Puwang iya tuwoé.

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

EFESUS 5:15

Rimakkuwannanaro, pénessaiwi madécéd-décéng atuwo-tuwommu. Aja' mutuwo pada-pada sining tau iya mapanré.

YOSUA 12:9

Arung-ngarung iya nacaué, iya manenna telluppulo séddi tau; iyanaritu arung-ngarung polé ri kota-kotaéwé: Yérikho, Ai (seddéna Bétel), Yérusalém, Hébron, Yarmut, Lakhis, Eglon, Gézer, Débir, Gedér, Horma, Arad, Libna, Adulam, Makéda, Bétel, Tapuah, Héfer, Afék, Lasaron, Madon, Hazor, Simron-Méron, Akhsaf, Taanakh, Mégido, Kédés, Yoknéam (ri Karmél), Dor (ri wiring tasi'é), Goyim (ri Galiléa) sibawa Tirza.

YOSUA 18:12

Ri seddé manoranna, pakkaséséng-pakkaséséng tanana mennang mappammulai ri Salo Yordan, nainappa ménré ri émpeng seddé manoranna Yérikho, nainappa liyajang laloiwi daéra bulué lettu sibbéla daéra padang kessi Bét-Awén.

YOSUA 2:1

Nainappa polé ri akkémangngé ri Sitim, suroni Yosua duwa tau mata-mata lao ri Kanaan. Iya duwa tauwéro riparéntang untu' salidikiwi wanuwa Kanaan sibawa massubbu-subbu, lebbi-lebbipi kota Yérikho. Nalaona mennang ri kotaéro, sibawa mappéruma ri bolana séddié makkunrai cakkuribang, riyaseng Rahab.

YOSUA 7:3

lisuni sibawa laporo'i ri Yosua. Makkedai mennang, “Dé'é naparelluki lao maneng gasai Ai. Suroni bawang kira-kira duwa iyaré'ga tellussebbu tau. Aja' musuro manengngi tentaraé lao kuwaro untu' mammusu, nasaba iyaro kotaé baiccu'mi.”

1 SAMUEL 13:5

Na wettuéro maddeppungeng toni tau Filistingngé untu' gasai tau Israélié; mappunnaiwi mennang 30.000 karéta musu, 6.000 tau makkinnyarang, sibawa prajuri singngéga kessi'é ri wiring tasi'é. Makkémani mennang ri Mikhmas ri seddé alauna Bét-Awen.

1 SAMUEL 14:23

Mammusui mennang puppu laleng lettu ri Bét-Awen. Puwangnge passalama'i Israélié iyaro essoé.

1 SAMUEL 30:27

Iyaro kota-kotaé iyanaritu: Bétel sibawa Rama ri bagiyang yattanna Yéhuda, Yatir, Aroér, Sifmot, Estémoa, Rakhal, makkuwatoro kota-kotana tau Yérahmeel, kota-kotana tau Kénié, Horma, Bor-Asan, Atakh sibawa Hébron. Sininna kota puraé nasolléri Daud sibawa ana' buwana, nakiringiwi hadiyaéro.