YOSUA 6:2 - KITTA KAREBA MADECENG

² Makkedai Puwangnge lao ri Yosua, “Makkekkuwangngé Uwérékko Yérikho sibawa arunna nenniya sininna tentarana iya barani-baraniéro.

YOSUA 6:2 ပူးပေါင်းရင်းမြစ်များ

2 SAMUEL 5:19

Makkutanani Daud ri Puwangnge, “Harusu'ka'ga gasai tau Filistingngéro? Aga Muwérékka matu apakalang?” Nappébali Puwangnge, “Gasani! Uwérékko matu apakalang!”

NEHEMIA 9:24

Wija-wijanna mennang caui tana Kanaan; pabbanuwana kuwaro Mupatunru'i. Muwéréngngi akuwasang umma'-Mu tinda siélo-élona lao ri bangsa-bangsa Kanaangngé sibawa arung-ngarunna.

DANIEL 2:21

Aléna ritu pattette'i wettué sibawa pattaungengngé, Aléna galéttéi sibawa lanti'i panguwasaé. Aléna ritu mabbéré apanréng, enrengngé mabbéréyangngi pappéjeppué.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 4:17

Iyanaro apettutta idi malaéka'-malaéka' iya matike'é sibawa sadiya-sadiyaé. Akkattata iyanaritu kuwammengngi sining tauwé muwi kégi mangakuiwi, makkedaé Allataala Iya Pommatanré makuwasai lao ri akkarungenna tolinoé sibawa iyaro akkarungengngé Nabbéréyangngi lao ri nigi-nigi iya Napilé, mala muwi lao ri tau iya kaminang dé'é gaga bettuwanna!’

DANIEL 4:35

Dé' bettuwanna bangsa-bangsaé ri linoé. Nakuwasaiwi Allataala malaéka'é ri surugaé sibawa pabbanuwana linoé. Dé' muwi séddi tau mulléi méwai élo-Na, dé'gaga barani makkutanangngi aga iya Napogau'é.”

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.

ULANGENG 7:24

Nabbéréyangngi matu sining arunna mennang lao ri iko. Muwunoi matu mennang, nariyallupai matu asenna mennang. Dé' muwi séddi tau mulléi tahang moloiko; mupaccappu manengngi matu.

YOSUA 12:9

Arung-ngarung iya nacaué, iya manenna telluppulo séddi tau; iyanaritu arung-ngarung polé ri kota-kotaéwé: Yérikho, Ai (seddéna Bétel), Yérusalém, Hébron, Yarmut, Lakhis, Eglon, Gézer, Débir, Gedér, Horma, Arad, Libna, Adulam, Makéda, Bétel, Tapuah, Héfer, Afék, Lasaron, Madon, Hazor, Simron-Méron, Akhsaf, Taanakh, Mégido, Kédés, Yoknéam (ri Karmél), Dor (ri wiring tasi'é), Goyim (ri Galiléa) sibawa Tirza.

YOSUA 2:24

Nainappa makkeda, “Pasti nabbéréyang Puwangnge sininna tanaéro lao ri idi; sininna tauwé kuwaro métau lao ri idi.”

YOSUA 2:9

sibawa makkeda lao ri mennang, “Uwisseng Puwangnge pura mabbéréyangngi wanuwaéwé lao ri iko. Sininna tauwé kuwaé métau lao ri iko.

YOSUA 20:1

Narisurona Yosua ri Puwangnge

YOSUA 6:1

Ri kota Yérikho rijagai senna'ni pintu-pintu gerbanna sibawa ritongko rape-rape kuwammengngi dé' naulléi muttama tau Israélié. Dé' muwi séddi ripalalo muttama iyaré'ga massu ri kotaéro.

YOSUA 6:3

Iko sibawa tentaramu harusu'ko mabbarisi mattulilingiwi kotaéro siseng siesso ri laleng enneng esso ittana.

YOSUA 8:1

Makkedai Puwangnge lao ri Yosua, “Paddeppungenni sininna tentaramu, namulao sibawa mennang ri Ai. Aja' mumanenneng sibawa métau! Maélo-Ka mpérékko apakalang lao ri arung Ai. Ra'ya'na, kotana sibawa wanuwanna musittaiwi matu.

HAKING-HAKING 11:21

Iyakiya Puwangnge, Allataalana Israélié, mpéréngngi umma Israélié apakalang lao ri Sihon silaong tentarana. Nakkuwaniro umma Israélié lolongengngi sininna tanana tau Amorié iya monroé ri wanuwaéro.

HAKING-HAKING 11:24

Na makkekkuwangngé maélokoga malai lisu? Tana iya nabbéréyangngé Kamos, déwatamuro, lao ri iko naweddingngi tette muwappunnangi. Iyakiya aga iya puraé nabbéréyang Puwangnge, Allataalata lao ri idi, maéloki mattahangengngi.