YOSUA 5:4 - KITTA KAREBA MADECENG

^4-6 Wettunna sining tau Israélié massu polé ri Maséré, sininna tau worowanéna purani risunna. Iyakiya wettunna mennang sollé ri padang kessi'é patappulo taung ittana, ana'-ana'na mennang iya worowané muwi séddi dé'to gaga risunna. Na ri paccappurenna wettu patappuloé taunro, tau worowané iya wettuéro massu polé ri Maséré narapini umuru'na iya sipato'é untu' muttama tentara, maté manenni, nasaba dé' naturusiwi paréntana Puwangnge. Nasituru sibawa tanrona Puwangnge, dé' napalaloi mennang mitai wanuwa décéng sibawa macommo'éro iya Najjanciyangngé lao ri néné-nénéna mennang.

YOSUA 5:4 ပူးပေါင်းရင်းမြစ်များ

ABBILANGENG 14:22

makkedaé polé risining tauwéwé dé' muwi séddi tau tuwo mupa untu' muttamakiwi wanuwa iya puraé Uwajjanciyang lao ri néné-nénéna mennang. Saba' dé' namaélo mapato ri Iyya, sibawa matteru-teruna cobaika. Padahal purani naita cahaya-Ku iya pawilo-wiloé, sibawa sining anu makalallaing iya Upogau'é ri Maséré sibawa ri padang kessi'é.

1 KORINTUS 10:5

Namuni makkuwaro, dé' namasennang Allataala lao ri maégangngéngngi polé ri mennang, na iyanaro saba'na sining ujuna mennang makkalénnekengngi ri padang kessi'é.

ULANGENG 2:14

Iyaro kajajiyangngi telluppulo aruwa taung risalainnana Kadés-Barnéa. Sininna prajuri sippangka'éro maténi pada-pada iya napowadaé Puwangnge.

ULANGENG 2:16

Maté manennana mennang,

YOSUA 5:3

Napogau'ni Yosua paréntana Puwangnge, nanasunna'i sining tau Israélié ri onrong iya riyasengngé Bulu-bulu Assunnakeng.