YOSUA 5:3 - KITTA KAREBA MADECENG

³ Napogau'ni Yosua paréntana Puwangnge, nanasunna'i sining tau Israélié ri onrong iya riyasengngé Bulu-bulu Assunnakeng.

YOSUA 5:3 ပူးပေါင်းရင်းမြစ်များ

ASSURENG 4:25

Zipora, bainéna, malani séddi batu tareng nanasunna'i ana'na, nainappa nagéssang ajéna Musa. Nakkeda Zipora, “Lakkai darako lao ri aléku.”

MATIUS 16:24

Nainappa makkeda Yésus lao ri ana'-ana' gurun-Na, “Tau maéloé maccowéri-Ka, harusu'i nallupai apentingeng aléna, naéssangngi sallina, namatteru maccowéri-Ka.

YOSUA 5:2

Iyaro wettué makkedani Puwangnge lao ri Yosua, “Ebbuno piso polé ri batué, nainappa pakangkasiko upacara assunnakeng untu' sining tau Israélié.”

YOSUA 5:4

Wettunna sining tau Israélié massu polé ri Maséré, sininna tau worowanéna purani risunna. Iyakiya wettunna mennang sollé ri padang kessi'é patappulo taung ittana, ana'-ana'na mennang iya worowané muwi séddi dé'to gaga risunna. Na ri paccappurenna wettu patappuloé taunro, tau worowané iya wettuéro massu polé ri Maséré narapini umuru'na iya sipato'é untu' muttama tentara, maté manenni, nasaba dé' naturusiwi paréntana Puwangnge. Nasituru sibawa tanrona Puwangnge, dé' napalaloi mennang mitai wanuwa décéng sibawa macommo'éro iya Najjanciyangngé lao ri néné-nénéna mennang.