YOSUA 5:2 - KITTA KAREBA MADECENG

² Iyaro wettué makkedani Puwangnge lao ri Yosua, “Ebbuno piso polé ri batué, nainappa pakangkasiko upacara assunnakeng untu' sining tau Israélié.”

YOSUA 5:2 ပူးပေါင်းရင်းမြစ်များ

ASSURENG 4:25

Zipora, bainéna, malani séddi batu tareng nanasunna'i ana'na, nainappa nagéssang ajéna Musa. Nakkeda Zipora, “Lakkai darako lao ri aléku.”

ROMA 2:29

Sibalé'na, séddié tau Yahudi iya tuléngngé iyanaritu tau iya atinnaé mannyawa Yahudi; sibawa sunna' tongengngé iyanaritu sunna' ri atié iya najamaé Rohna Allataala, tenniya iya riyokié ri laleng kitta'é. Tau sinrupaéro tarimai pappojiyang polé ri Allataala, tenniya polé ri rupa tauwé.

ROMA 4:11

Ri munriwi risunna, sibawa iyaro sunna'na banna selaku tanrang makkedaé Allataala pura tarimai selaku tau iya pésennangiyéngngi atinna Allataala, nasaba mateppe'i ri Allataala. Ritarimai ri Allataala riwettu dé'napa naccowériwi peraturang sunna'é. Sibawa Abraham mancaji ambo'i secara baténg lao ri sininna tau iya mateppe'é ri Allataala, sibawa iya nassabariyé pura ritarimai ri Allataala selaku tau iya pésennangiyéngngi atinna Allataala, namuni mennang dé' naccowériwi peraturang sunna'é.

ULANGENG 10:16

Jaji mappammulai makkekkuwangngé harusu'ko mapato ri Puwangnge sibawa aja'na mumatedde atisi.

ULANGENG 30:6

Iko sibawa wija-wijammu riwéréng matu ati iya mapatoé, angkanna muéloriwi Puwang Allataalamu sibawa sukku atimmu namulléi matteru monro ri wanuwaéro.

KOLOSE 2:11

Nasaba masséddiko sibawa Kristus, napura risunna'ko, tenniya sunna iya naébbué tolinoé, sangadinna sunna iya naébbué Kristus, iya paleppe'ékko polé ri akuwasanna sipa'-sipa' iya madosaé.

YOSUA 5:3

Napogau'ni Yosua paréntana Puwangnge, nanasunna'i sining tau Israélié ri onrong iya riyasengngé Bulu-bulu Assunnakeng.