YOSUA 4:3 - KITTA KAREBA MADECENG

³ Paréntangngi mennang untu' mala seppulo duwa batu polé ri tengnga-tengngana Salo Yordan, persis ri onronna tettong sining imangngé. Suroi mennang méssangngi iyaro batu-batué lettu ri onrong muwakkémaiyé ri wennié matti.”

YOSUA 4:3 ပူးပေါင်းရင်းမြစ်များ

KAJAJIYANG 28:22

Sibawa maéloka mabbéréyangngi lao ri Puwangnge tawa seppulona sininna iya nawéréngngékka Puwangnge. Batu papparéngngerang iya upatettongngéwé mancajiwi matu onrong assompang untu' Puwangnge.”

MAZMUR 103:2

Pojiwi Puwangnge, éh nyawaku, aja' muwallupaiwi sininna akessingen-Na!

MAZMUR 11:4

Engkai Puwangnge ri Bola-Na iya mapaccingngé, kadéra akkarungen-Na engkai ri surugaé. Najagaiwi rupa tauwé sibawa missengngi sininna pangkaukenna mennang.

LUKAS 19:40

Nappébali Yésus, “Ateppe'no! Rékko mammekkoi mennang, gorai matu iyaé batu-batuéwé.”

YOSUA 24:27

Purairo makkedani Yosua lao risininna tauwéro, “Iyaé batué mancaji sabbiwi ri idi. Sininna ada-ada iya napowadaé Puwangnge lao ri idi, purani ripowada ri yolona batuéwé. Jaji, iyanaé batué mancaji sabbi matu lao ri iko, untu' paréngngerangiko kuwammengngi dé' muéwai Allataalamu.”

YOSUA 3:13

Matti rékko sining imang iya mpulééngngi Petti Assijancinna Puwangnge makkellarengngi ajéna ri laleng uwaina Salo Yordanro, pettui matu uwaina massolo; uwai iya massolo'é polé riyulu tattéppo'i matu riséuwaé onrong.”

YOSUA 4:4

Nanaobbini Yosua iya seppulo duwa tau iya ripiléro,

YOSUA 4:8

Napogau'ni iya seppulo duwa tauwéro paréntana Yosua. Situru sibawa panunju'na Puwangnge lao ri Yosua, malani mennang seppulo duwa batu polé ri tengnga-tengngana Yordan – jumellana situru sibawa jumellana suku-sukué ri laleng bangsa Israélié – nainappa natiwi ri onrong akkémanna mennang.

1 SAMUEL 7:12

Purairo patettonni Samuél séddi batu, ri pakkasésénna Mizpa sibawa Sén. Makkedai, “Sukku Puwangnge pura tulukki.” – nainappa naseng iyaro batué “Batu Pattulung”.